ڈبلیو پی ایل 2027: پانچویں سیزن کا آغاز 14 جنوری سے ہوگا، وڈودرا اور ممبئی میں کھیلے جائیں گے مقابلے

ویمنز پریمیئر لیگ (ڈبلیو پی ایل) کے پانچویں سیزن کا آغاز 14 جنوری سے ہوگا۔ وڈودرا میں سیزن کا پہلا مقابلہ موجودہ چمپئن رائل چیلنجرز بنگلورو (آر سی بی) اور 2 مرتبہ کی فاتح ممبئی انڈینز (ایم آئی) کے درمیان کھیلا جائے گا۔ یہ ٹورنامنٹ 14 جنوری سے 7 فروری تک جاری رہے گا، جس میں کل 22 مقابلے کھیلے جائیں گے۔ ان مقابلوں کو وڈودرا کے بی سی اے اسٹیڈیم اور ممبئی کے بریبورن اسٹیڈیم کے درمیان برابر تقسیم کیا گیا ہے۔

ڈبلیو پی ایل کے ابتدائی 11 مقابلے 14 سے 24 جنوری تک وڈودرا میں ہوں گے، جس کے بعد مقابلے ممبئی منتقل ہو جائیں گے۔ 25 جنوری کو آرام کے دن کے بعد بریبورن اسٹیڈیم میں 26 جنوری سے 3 فروری تک باقی 9 لیگ مقابلے اور دونوں پلے آف مقابلے منعقد ہوں گے۔ لیگ مرحلے میں پانچوں ٹیمیں ایک دوسرے کے خلاف 2-2 مرتبہ کھیلیں گی۔ پوائنٹس ٹیبل میں سرفہرست رہنے والی ٹیم براہ راست فائنل میں پہنچ جائے گی۔