پاکستان میں فلکیات اور سپیس سائنسز میں دلچسپی رکھنے والے افراد کی تعداد کافی زیادہ ہے مگر اس حوالے سے سہولیات کا شدید فقدان ہے۔ چنیدہ تعلیمی اداروں میں فلکیات کے کورسز کروائے جارہے ہیں جہاں تحقیق کے لیے آلات کی کمی ہے۔امریکی خلائی تحقیقاتی ادارہ ناسا ہر برس انٹر نیشنل ایسٹرانامیکل سرچ کولیبریشن کے تعاون سے عام شہریوں کی فلکیاتی تحقیق میں شمولیت کے لیےسٹیزن سائنس انگیجمنٹ پروگرام منعقد کرواتا ہے۔ اکتوبر 2022 میں پہلی بار 40 پاکستانی طلباءنے اس پروگرام میں نا صرف حصہ لیا بلکہ 14ممکنہ سیارچے بھی دریافت کیے۔
Published: undefined
اس تحقیق کے روح رواں انسٹی ٹیوٹ آف سپیس ٹیکنالوجی اسلام آباد میں ایروسپیس انجینئرنگ کے طالبعلم محمد رحموز صلاح الدین نے ڈوئچے ویلے سے اپنی دریافت پرخصوصی بات چیت کی ہے۔
Published: undefined
پاکستانی طلباء کی ٹیم کی سربراہی کرنے والے طالبعلم محمد رحموز صلاح الدین نے ڈوئچے ویلے سے بات کرتے ہوئے بتایا کہ 2021ء میں انھوں نے بھارتی ٹیم کے ساتھ انٹرنیشنل ایسٹرانامیکل کولیبریشن کے تحت منعقد ہونے والے سٹیزن سائنس انگیجمنٹ پروگرام میں اپنے تین ساتھیوں کے ساتھ شرکت کر کے پانچ ممکنہ سیارچے دریافت کیے تھے۔ ناسا کے تعاون سے چلنے والا یہ پروگرام دنیا بھر میں فلکیات کا شوق رکھنے والے افراد کو انتہائی اعلی معیار کا تحقیقی ڈیٹا اور سہولیات فراہم کرتا ہے تاکہ نیا ٹیلنٹ ابھر کر سامنے آسکے۔ نئے سیارچوں کی دریافت اس پروگرام کی مرکزی تحقیق ہے۔
Published: undefined
رحموز بتاتے ہیں کہ اس سے انھیں تحریک ملی کہ پاکستانی طلباء کو بھی اس مقابلے میں شریک ہونا چاہیے۔ انھوں نے آل پاکستان ایسٹیرائڈ سرچ کمپین کے نام سے ایک مہم کی بنیاد رکھی جس کے تحت 21 اکتوبر سے 15 نومبر 2022 تک پاکستان بھر کے تعلیمی اداروں سے چالیس طلباء و طالبات نے پہلی دفعہ سٹیزن سائنس انگیجمنٹ پروگرام میں حصہ لے کر 14 ممکنہ سیارچے دریافت کیے۔
Published: undefined
رحموز صلاح الدین نے ڈوئچے ویلے کو بتایا کہ سٹیزن سائنس انگیجمنٹ پروگرام میں عام افراد کو سیارچوں کی دریافت کے لیے تربیت کے علاوہ " ایسٹرومیٹریکا" نامی سوفٹ ویئر بھی فراہم کیا جاتا ہے۔ اس سوفٹ ویئر میں موجود پیرا میٹرز کی مدد سے طلباء اندازہ لگاتے ہیں کہ متعقلہ اجرام فلکی سیارچہ ہو سکتا ہے یا نہیں۔
Published: undefined
رحموز صلاح الدین نے ڈوئچے ویلے سے بات کرتے ہوئے بتایا کہ 2021 میں بھارتی ساتھیوں کے ساتھ مل کر جو پانچ سیارچے انھوں نے دریافت کیے تھے وہ ابھی تک عبوری سٹیٹس پر ہیں ۔ رواں برس امریکی جزیرے ہوائی کی خلائی دوربین کے فراہم کردہ ڈیٹا کی مدد سے جن چودہ ممکنہ سیارچوں کو پاکستانی طلباء نے دریافت کیا ہے وہ ابھی ابتدائی مرحلے میں ہیں۔
Published: undefined
رحموز کے مطابق اگلے چھ سے دس برسوں میں ناسا اور دنیا بھر سے انتہائی سینئر سائنسدان ان پر مزید تحقیق کریں گے جن کی طرف سے منظوری کے بعد ا نھیں " نمبرڈ" سٹیٹس دے کر سمتھ سونین آبزرویٹری کے مائنر پلینٹ سینٹر کے کیٹیلاگ کا حصہ بنا یا جائے گا۔ اس کے بعد ہمیں ان کے نام خود رکھنے کے حقوق بھی حاصل ہوں گے کیونکہ یہ ہماری دریافت ہیں۔
Published: undefined
رحموز صلاح الدین نے ڈوئچے ویلے کو بتایا کہ ایسٹیرائڈ یا سیارچے دراصل ہمارے نظام شمسی کی تشکیل کے وقت فاضل بچ جانے والا ملبہ ہیں۔ مریخ اور مشتری کے درمیان سیاروں کی بیلٹ سے چھوٹے بڑے سائز کے سیارچے عموماﹰزمین کی طرف بھی آتے رہتے ہیں۔ان پر تحقیق سے سائنسدانوں کو سیارۂ زمین کی ابتدا میں ہیئت اور یہاں زندگی کی آغاز سے متعلق اہم معلومات حاصل ہوتی ہیں۔ اس کے ساتھ ہی یہ نظام شمسی کے دیگر سیاروں اور دور دراز کے ستاروں کے گرد محو ِ گردش سیاروں پر تحقیق میں بھی معاونت کرتے ہیں۔
Published: undefined
رحموز صلاح الدین نے ڈوئچے ویلے سے بات کرتے ہوئے کہا کہ انھوں نے حال ہی میں آن لائن فلکیاتی جریدے " کاسمک ہیریلڈ " کا اجراء کیا ہے جس میں انسٹی آف سپیس ٹیکنالوجی اسلام آباد کے انڈر گریجوئیٹ طلبا ء کے علاوہ دیگر یونیورسٹیوں سے طلباء نے بھی آرٹیکلز لکھے ہیں۔ یہ طلباء میں ذاتی تحقیق اور لکھنے کا رجحان پیدا کرنے کی ایک کوشش ہے اور ہم چاہتے ہیں کہ پاکستان کے ہر شہر سے طلباء اس جریدے کے لئے فلکیاتی مضامین لکھیں۔
Published: undefined
رحموز کے مطابق پاکستانی طلباء کی خلائی سائنس اور فلکیات میں دلچسپی بہت زیادہ ہے اس کو مزید پروان چڑھانے کے لیے ضروری ہے کہ بچوں کو سکول کی سطح سے فلکیات کا مضمون پڑھایا اور دوربین کا استعمال سکھایا جائے۔ اس کے ساتھ ہی ملک کے بڑے شہروں میں سپیس میوزیم، پلینیٹیریم اور آبزرویٹری قائم کی جائیں جہاں عام افراد خصوصا طلباء کا داخلہ مفت ہو۔
Published: undefined
رحموز کہتے ہیں کہ لا محالہ اس کے لئے حکومت کو تعلیمی اور تحقیقی بجٹ بڑھانا ہوگا مگر خلائی سائنس میں تیز تر پیش قدمی کے بغیر پاکستان اپنے ہمسایہ ممالک جیسے بھارت، چین، وغیرہ سے بہت پیچھے رہ جائے گا۔ اس مقصد کے لیے سپیس سیکٹر میں پرائیویٹ سٹارٹ اپ کی حوصلہ افزائی انتہائی ضروری ہے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined