چینی وزارت خارجہ نے منگل 14 مارچ کے روز ایک بیان میں کہا کہ وہ 15 مارچ بدھ کے دن سے یعنی آج سے غیر ملکیوں کو ہر قسم کے ویزے جاری کرنا دوبارہ شروع کر دے گی۔ سفری پابندیوں میں نرمی کا یہ اعلان چین کو بیرونی دنیا کے لیے دوبارہ کھولنے کی طرف ایک اہم قدم ہے۔
Published: undefined
بیجنگ حکومت نے گزشتہ دسمبر میں کورونا وائرس کی وبا کے حوالے سے اپنی ’صفر برداشت‘ کی پالیسی ختم کرنے کا اعلان کیا تھا پھر اگلے ہی مہینے سے اپنی سرحدیں دوبارہ کھولنا شروع کر دی تھیں۔
Published: undefined
چینی وزارت خارجہ نے کہا ہے کہ کووڈ انیس کی وبا سے پہلے چین کے جن علاقوں میں ویزے کی ضرورت نہیں تھی، وہ پھر سے ویزا فری داخلے کی پالیسی پر واپس آجائیں گے۔ اس کے ساتھ ہی ہانگ کانگ، مکاؤ اور آسیان گروپ میں شامل ممالک کے غیر ملکیوں کے لیے ویزا فری داخلہ بھی دوبارہ شروع کیا جا رہا ہے۔
Published: undefined
اس اعلان میں یہ بھی کہا گیا ہے کہ بیجنگ ہینان جزیرے کے کروز بحری جہازوں کی گزرگاہ اور شنگھائی کی بندرگاہوں جیسے مختلف مقامات سے بھی پابندیاں ہٹا رہا ہے۔ اعلان کے مطابق 28 مارچ سن 2020 سے پہلے جاری کیے گئے ویزے، جن کی میعاد اگر اب بھی باقی ہو، ان کی بنیاد پر بھی چین میں داخلے کی دوبارہ اجازت ہو گی۔
Published: undefined
چین نے اپنی تازہ فہرست میں مزید ان 40 ممالک کو بھی شامل کیا ہے، جن کے لیے گروپ ٹورز کی بھی اجازت ہو گی۔ لیکن اس میں اب بھی جاپان، جنوبی کوریا، آسٹریلیا اور امریکہ شامل نہیں ہیں۔
Published: undefined
ملک کے نئے وزیر اعظم لی کیانگ نے پیر کے روز کہا تھا کہ چین نے کووڈ انیس سے نمٹنے کے لیے جو حکمت عملی اپنائی تھی، اس سے ’ہموار منتقلی‘ تک پہنچنے میں دو ماہ سے بھی کم کا وقت لگا اور اس حوالے سے حکومتی پالیسی اور اقدامات بالکل درست تھے۔
Published: undefined
دنیا کے دیگر ممالک نے پہلے ہی اپنی سرحدیں دوبارہ کھولنا شروع کر دی تھیں، تاہم چین نے کورونا کی وبا سے متعلق اپنی سخت پالیسی جاری رکھی اور جب ملک کے کئی حصوں میں اس کے خلاف مظاہرے شروع ہوئے، تب حکومت نے اپنی سخت پالیسی میں نرمی کا اعلان کیا تھا۔
Published: undefined
پابندیوں میں نرمی کی وجہ سے کووڈ کے کیسز میں اچانک زبردست اضافہ بھی ہوا تھا۔ بیجنگ نے سفر کرنے والوں کے لیے قرنطینہ کی ضروریات کو ترک کر دیا تھا تاہم ویزا پر پابندیاں برقرار رکھی گئی تھیں، جو اب 15 مارچ سے ختم کی جا رہی ہیں۔ پابندیوں میں نرمی کے بعد حکومت نے ’سیاحت‘ یا ’بیرون ملک رہنے والے دوستوں‘ سے ملاقاتوں کے لیے اپنے شہریوں کو پاسپورٹ جاری کرنا بھی دوبارہ شروع کر دیا ہے۔
Published: undefined
اقوام متحدہ کی ایک ذیلی تنظیم عالمی ادارہ سیاحت کے اعداد و شمار کے مطابق چین میں سن 2019 میں کورونا کی وبا سے پہلے تک 65.7 ملین بین الاقوامی سیاح جاتےتھے۔ تاہم اس کے بعد اگلے ہی سال یہ تعداد 8 ملین تک گر گئی تھی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined