موبائل اور فکسڈ انٹرنیٹ کی رفتار کے بارے میں عالمی انڈیکس 'اوکلا‘ کمپنی نے تیار کیا ہے۔ انٹرنیٹ کی اسپیڈ جانچنے کے لیے دنیا بھر میں استعمال کی جانے والی ویب سائٹ 'اسپیڈ ٹیسٹ‘ بھی اسی کمپنی کی ملکیت ہے۔
Published: undefined
موبائل فون پر انٹرنیٹ کی رفتار کے اس عالمی انڈیکس میں 140 جب کہ فکسڈ لائن براڈبینڈ کی رفتار کے حوالے سے 175 ممالک کی درجہ بندی کی گئی ہے۔
Published: undefined
ایسے تازہ انڈیکس کے مطابق دنیا بھر میں موبائل انٹرنیٹ کی اوسط ڈاؤن لوڈ رفتار 29.50 اور اپ لوڈ رفتار 11.34 میگا بِٹس فی سیکنڈ ریکارڈ کی گئی۔
Published: undefined
اسپیڈ ٹیسٹ گلوبل انڈیکس کے مطابق دنیا بھر میں سب سے تیز رفتار موبائل فون انٹرنیٹ جنوبی کوریا میں ہے، جہاں اس برس کی تیسری سہ ماہی کے دوران اوسط رفتار 95.11 میگا بِٹس فی سیکنڈ ریکارڈ کی گئی۔
Published: undefined
قطر 69.05 کی اسپیڈ کے ساتھ دوسرے جب کہ 68 میگا بِٹس فی سیکنڈ کی رفتار کے ساتھ ناروے تیسرے نمبر پر ہے۔ متحدہ عرب امارات پانچویں اور آسٹریلیا اس درجہ بندی میں چھٹے نمبر پر رہا۔
Published: undefined
موبائل انٹرنیٹ کی رفتار کے اعتبار سے امریکا اور جرمنی کی کارکردگی بھی بہت بہتر نہیں اور یہ دونوں ترقی یافتہ ممالک بالترتیب اڑتیسویں اور چالیسویں نمبر پر رہے۔
Published: undefined
Published: undefined
جنوبی ایشیائی ممالک میں مالدیپ 24.14 میگابِٹس فی سیکنڈ کی رفتار کے ساتھ پہلے اور عالمی سطح پر 71ویں نمبر پر ہے۔ عالمی انڈیکس میں 81 ویں نمبر پر سری لنکا رہا جہاں موبائل انٹرنیٹ کی اوسط رفتار 22.53 میگا بِٹس فی سیکنڈ ریکارڈ کی گئی۔
Published: undefined
سری لنکا کے بعد جنوبی ایشیا میں پاکستان 14.38 میگا بِٹس فی سیکنڈ کی اوسط ڈاؤن لوڈ رفتار کے ساتھ تیسرے نمبر پر رہا اور عالمی درجہ بندی میں کُل 140 ممالک میں پاکستان کا نمبر 112واں رہا۔ پاکستانی موبائل نیٹ ورکس کی اوسط اپ لوڈ رفتار 10.32 میگا بِٹس فی سیکنڈ ریکارڈ کی گئی۔
Published: undefined
نیپال جنوبی ایشیا میں چوتھے اور عالمی سطح پر 12.96 میگا بِٹس فی سکینڈ کی رفتار کے ساتھ 119ویں نمبر پر ہے۔
Published: undefined
بھارت عالمی درجہ بندی میں 128ویں اور جنوبی ایشیا کے سات ممالک میں پانچویں نمبر پر رہا۔ بھارت میں موبائل انٹرنیٹ کی اوسط ڈاؤن لوڈ اسپیڈ 11.18 اور اپ لوڈ رفتار محض 4.38 میگا بِٹس فی سکینڈ رہی۔
Published: undefined
بنگلہ دیش 10.31 میگا بِٹس فی سکینڈ کی رفتار کے ساتھ دس بدترین کارکردگی والے ممالک کی فہرست میں شامل ہو گیا۔ عالمی درجہ بندی میں سب سے آخری نمبر پر افغانستان ہے، جہاں موبائل انٹرنیٹ کی اوسط رفتار 6.55 میگا بِٹس فی سکینڈ ریکارڈ کی گئی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined