جرمنی میں تاریخ کا یہ بلند ترین درجہ حرات پولینڈ کی سرحد پر واقع جرمن شہر کَوشن میں مقامی وقت کے مطابق دن 2:50 پر ریکارڈ کیا گیا جو 38.6 ڈگری سینٹی گریڈ تھا۔ قبل ازیں بلند ترین درجہ حرارت 27 جون 1947ء کو ملک کے ایک مغربی شہر بیوہلرٹال میں ریکارڈ کیا گیا تھا جو 38.5 ڈگری سینٹی گریڈ تھا۔
Published: undefined
Published: undefined
جرمن محکمہ موسمیات قبل ازیں متنبہ کر چکا ہے کہ ملک کے بعض حصوں میں آئندہ دنوں کے دوران درجہ حرات 40 ڈگری سینٹی گریڈ تک بھی پہنچ سکتا ہے۔ اس کی وجہ براعظم افریقہ کے شمالی حصے کی طرف سے خشک اور گرم ہواؤں کا یورپ کی طرف بڑھنا ہے۔
Published: undefined
گرمی کی شدت میں اضافے کے ساتھ ہی جرمنی میں عوام سے احتیاطی تدابیر اختیار کرنے کا کہا گیا ہے۔ جرمنی کی مشرقی ریاست سیکسنی انہالٹ کی ٹرانسپورٹ کی وزارت نے اس صوبے کی سڑکوں پر رفتار کی زیادہ سے زیادہ حد 100 کلومیٹر فی گھنٹہ سے 120 کلومیٹر فی گھنٹہ تک مقرر کر دی ہے۔ خیال رہے کہ جرمنی کی اکثر شاہراہوں پر رفتار کی کوئی حد مقرر نہیں ہوتی۔
Published: undefined
طبی حکام نے خبردار کیا ہے کہ شدید گرمی اور فضا میں نمی کے تناسب میں اضافہ لوگوں کی صحت کے لیے خطرناک ہو سکتا ہے۔ اسی باعث بچوں، بزرگوں اور ایسے افراد سے کہا گیا ہے کہ وہ گرمی سے بچیں جنہیں صحت کے حوالے سے مسائل درپیش ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined