سیاسی

انتخابات کا کھیل ختم! نڈا جی، برائے مہربانی اب کورونا وبا پر توجہ دیجئے

بی جے پی کو ریاست میں اتنی کراری شکست کی امید نہیں تھی تو دوسری جانب ترنمول کے کارکنان کے لئے ممتا کی ہار ایک زبردست جھٹکا ہے

فائل تصویر یو این آئی 
فائل تصویر یو این آئی  

کورونا وبا کے قہر نے جس طرح ہندوستان کو اپنی لپیٹ میں لے رکھا ہے اس میں سب کو اپنے اختلافات بھلا کر اور اپنی ترجیحات بدل کر صرف اور صرف اس وبا سے کیسے نمٹا جائے، اس پر توجہ دینا چاہئے۔ مغربی بنگال کے انتخابات بھی ہو گئے اور نتیجے بھی آ گئے۔ ایک بڑے طبقہ کا تو یہ ماننا ہے کہ ان حالات میں تو انتخابات ہونے ہی نہیں چاہئے تھے لیکن چھوڑئے اب وہ سب باتیں، اب آگے کیا کرنا ہے اس پر توجہ دینا چاہئے۔ ممتا بنرجی کی ترنمول کانگریس کے کارکنان کو بھی یہ اچھی طرح سمجھ لینا چاہئے کہ اس وقت خوشی میں یا غصہ میں کسی بھی پارٹی کے خلاف تشدد کرنا انسانیت کے خلاف ہوگا اور سماج آپ کو کبھی معاف نہیں کرے گا۔

Published: 04 May 2021, 8:11 AM IST

ہم ہمیشہ سے یہ سنتے آئے ہیں کہ آگ کو پانی سے بجھایا جاتا ہے، آگ سے نہیں۔ اس لئے بی جے پی کے سربراہ کو اس حقیقت کو اچھی طرح سمجھ لینا چاہئے کہ یہ وقت بدلہ لینے یا اینٹ کا جواب پتھر سے دینے کا نہیں ہے بلکہ دشمنوں کو پھول دینے کا ہے۔

Published: 04 May 2021, 8:11 AM IST

مغربی بنگال میں انتخابی نتائج آنے کے بعد تشدد کی خبریں آئیں اور اس تشدد میں کچھ لوگوں کے مارے جانے کی خبر ہے۔ اس تشدد کے پیش نظر اب بی جے پی سربراہ جے پی نڈا دو روزہ بنگال دورہ پر جا رہے ہیں جو آج سے شروع ہوگا ۔بات صرف دورہ تک محدود نہیں ہے بلکہ کہا یہ گیا ہے کہ 5 مئی کو بی جے پی بنگال میں نتائج کے بعد ہوئے تشدد کے خلاف ملک گیر مظاہرہ کرے گی۔ واضح رہے پارٹی نے کہا ہے کہ مظاہروں کے دوران کورونا ضابطوں پر عمل کیا جائے گا۔

Published: 04 May 2021, 8:11 AM IST

اسمبلی انتخابات کے نتائج کے بعد مغربی بنگال کے کئی علاقوں سے تشدد کی خبریں آئیں جس میں بی جے پی دفاتر میں آگ کے واقعات، کارکنان میں جھڑپ اور دکانوں میں لوٹ پاٹ ہوئی۔ مرکزی وزارت داخلہ نے اس تعلق سے ایک رپورٹ بھی طلب کی ہے۔ ادھر ریاست کے گورنر نے ڈی جی پی اور کمشنر کو طلب کیا اور اس تعلق سےضروری اقدامات اٹھانے کی ہدایت دی۔

Published: 04 May 2021, 8:11 AM IST

ترنمول کی سربراہ ممتا بنرجی کو اپنے کارکنان کو یہ پیغام دینا چاہئے کہ وہ کسی بھی قسم کا تشدد برداشت نہیں کریں گی۔ دراصل مغربی بنگال میں انتخابی تشہیر کے دوران دونوں پارٹیوں کے کارکنان کے جذبات بہت اونچائی پر پہنچ گئے تھے اور دونوں کو ہی اپنی کامیابی نظر آ رہی تھی لیکن دونوں کے لئے انتخابی نتائج نے ان کے جذبات اور امیدوں پر پانی پھیر دیا۔ بی جے پی کو ریاست میں اتنی کراری شکست کی امید نہیں تھی، تو دوسری جانب ترنمول کے کارکنان کے لئے ممتا کی ہار ایک زبردست جھٹکا تھی۔ ایسے میں کچھ سماج دشمن عناصر موقع کا فائدہ اٹھاتے ہیں۔ ان حالات میں سیاسی قائدین کی ذمہ داری ہوتی ہےکہ وہ اپنے کارکنان کو سمجھائیں اور اگر نہ سمجھیں تو ان کے خلاف سخت کارروائی کریں۔

Published: 04 May 2021, 8:11 AM IST

عام حالات میں جےپی نڈا کے رد عمل کو درست قرار دیا جاسکتا تھا کیونکہ اتنی بڑی شکست کےبعد اپنے کارکنان کےحوصلہ کو بنائےرکھنے اور ملک گیر سیاسی پیغام دینےکےلئے کبھی کبھی یہ ضروری ہوتا ہے لیکن کورونا وبا کے اس دور میں صرف اور صرف یہ کوشش ہونی چاہئےکہ کیسے وباسےمتاثر مریضوں کو راحت پہنچائی جائے۔ نڈا جی مہربانی کر کے یہ سب بعد کے لئےچھوڑ دیجئے ابھی صرف کورونا وباپرتوجہ دیجئے۔

Published: 04 May 2021, 8:11 AM IST

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: 04 May 2021, 8:11 AM IST

,
  • گزشتہ 10 سالوں میں بنے کئی قوانین یا قوانین میں کی گئیں ترامیم امتیازی سلوک کی واضح مثال، آئیے کچھ قوانین پر ڈالیں نظر

  • ,
  • ’کانگریس نے سخت قانون بنا کر نوجوانوں کو پیپر لیک سے آزادی دلانے کا عزم کیا ہے‘، نیٹ پیپر لیک معاملہ پر راہل گاندھی کا رد عمل