کولکاتا سے دہلی تک ڈاکٹروں کا احتجاجی مظاہرہ، مریض بے بس... تصویری جھلکیاں

مغربی بنگال کے ڈاکٹروں کی حمایت میں آج ملک بھر کے ڈاکٹر ہڑتال پر ہیں۔ ڈاکٹر سڑک پر اتر کر جگہ جگہ مظاہرہ کر رہے ہیں۔ ڈاکٹروں کے ملک گیر ہڑتال کا اثر دہلی کے ایمس میں بھی دیکھنے کو مل رہا ہے۔ این آر ایس اسپتال میں ڈاکٹرس کے ساتھ ہوئی مار پیٹ کے خلاف دہلی ایمس کے ریزیڈنٹ ڈاکٹرس ہڑتال پر رہیں گے۔

ایمس کے ڈاکٹر آج دوپہر 12 بجے سے منگل کی صبح 6 بجے تک ہڑتال پر رہیں گے۔ ایسے میں مریضوں کو پریشانی کا سامنا کرنا پڑ سکتا ہے۔

دہلی میں 192 محلہ کلینک میں او پی ڈی بیسس پر علاج ممکن ہے۔ اگر آپ کے علاقے میں محلہ کلینک ہے تو آپ صبح 8 بجے سے دوپہر 2 بجے تک وہاں جا کر اپنا علاج کرا سکتے ہیں۔

ہڑتال کے باوجود سبھی پرائیویٹ اور سرکاری اسپتالوں میں ایمرجنسی میں علاج کیا جائے گا۔ آپ کے گھر یا فیملی میں کسی کو اچانک علاج کی ضرورت پڑے تو وہ اپنے قریبی کسی بھی اسپتال جا سکتے ہیں۔

ہڑتال کر رہے ڈاکٹروں کا مطالبہ ہے کہ ڈاکٹروں کے ساتھ مار پیٹ اور مشکل حالات میں سنٹرل ایکٹ فار وائلنس اگینسٹ ڈاکٹرس لایا جائے۔

ایمس کے ریزیڈنٹ ڈاکٹرس ایسو سی ایشن نے مغربی بنگال میں ڈاکٹروں کے خلاف تشدد کے خلاف مارچ نکالا۔

گواہاٹی میڈیکل کالج مغربی بنگال میں ڈاکٹروں کے خلاف ہوئے تشدد کے خلاف احتجاجی مظاہرہ کیا۔

وڈودرا میں انڈین میڈیکل ایسو سی ایشن کی ہڑتال کی وجہ سے ڈاکٹروں نے سر سیاجی راؤ جنرل اسپتال میں احتجاجی مظاہرہ کیا۔

انڈین میڈیکل ایسو سی ایشن کی ملک گیر ہڑتال کے اعلان کے بعد راجستھان کے جے پور کے جے پوریہ اسپتال میں ڈاکٹر ہڑتال پر ہیں۔

راجستھان کے جے پور کے جے پوریہ اسپتال میں ڈاکٹر ہڑتال پر ہونے کی وجہ سے احاطہ میں سناٹا پسرا ہے۔ مریض اور ان کے اہل خانہ اسپتال میں پریشان بیٹھے ہیں۔

بنارس ہندو یونیورسٹی (بی ایچ یو) کے سر سندر لال اسپتال کے ڈاکٹر مغربی بنگال میں ڈاکٹروں کے خلاف ہوئے تشدد کے خلاف ہڑتال کر رہے ہیں۔

بی ایچ یو کے سر سندر لال اسپتال کے ڈاکٹروں کی ہڑتال سے افرا تفری کا ماحول ہے۔ مریض پریشان ہو کر اسپتال احاطہ میں بیٹھے ہوئے ہیں۔

رانچی میں راجندر انسٹی ٹیوٹ آف میڈیکل سائنسز میں ڈاکٹروں نے مغربی بنگال میں ڈاکٹروں کے خلاف تشدد کی مخالفت کی۔

بھونیشور میں ایمس کے ڈاکٹروں نے مغربی بنگال میں ڈاکٹروں کے خلاف تشدد کے بعد احتجاجی مظاہرہ کیا۔

ملک بھر کے سرکاری ڈاکٹروں کی سیکورٹی کا مطالبہ کرنے والی عرضی پر سپریم کورٹ منگل کو سماعت کرے گا۔ بتا دیں کہ سپریم کورٹ میں داخل عرضی میں ملک بھر کے سبھی سرکاری اسپتالوں میں ڈاکٹروں کی سیکورٹی کا مطالبہ کیا گیا ہے۔