عمران کا الزام امریکہ سازش رچ رہا ہے ، جنرل باجوہ امریکہ کے ساتھ مضبوط تعلقات کے حامی

ایک طرف پاکستان کے وزیر اعظم عمران خان جن کو ایوان میں عدم اعتماد کی تحریک کا سامنا ہے وہ امریکہ پر الزام لگا رہے ہیں کہ امریکہ ان کی حکومت کے خلاف سازش رچ رہا ہے اور دوسری طرف فوج امریکہ کے ساتھ رشتوں کی مضبوطی کی بات کر رہا ہے۔

واضح رہےپاکستان کے فوجی سربراہ جنرل قمر جاوید باجوہ نے ہفتے کو کہا کہ پاکستان امریکہ کے ساتھ اپنے تعلقات کو مضبوط کرنا چاہتا ہے لیکن اس کے لئے وہ دوسرے ممالک کے ساتھ تعلقات توڑنے کی قیمت ادا نہیں کرے گا۔

جنرل باجوہ نے اسلام آباد سکیورٹی ڈائیلاگ 2022 سے خطاب کرتے ہوئے کہا کہ پاکستان کے امریکہ کے ساتھ بہترین اور اسٹریٹجک تعلقات کی ایک طویل تاریخ ہے اور یہ سب سے بڑی برآمدات کا بازار بنا ہوا ہے۔ انہوں نے کہا ،'ہم باہمی تعلقات کو متاثر کیے بغیر دونوں ملکوں کے ساتھ اپنے تعلقات کو وسیع اورفروغ دینا چاہتے ہیں'۔

یوکرین کے مسئلے پر انہوں نے اس بات کا اعادہ کیا کہ پاکستان نے ہمیشہ فوری جنگ بندی کی حمایت کی ہے۔

دی نیوز انٹرنیشنل نے جنرل باجوہ کے حوالے سے اپنی رپورٹ میں کہا ہے کہ پاکستان کا چین کے ساتھ قریبی تعلقات ہیں، جو چین پاکستان اقتصادی راہداری (سی پی ای سی) کےتئیں ملک کے پابند عہد ہونے سےظاہر ہوتا ہے۔