دیگر ممالک

ہندوستانی فوج کے ہاتھوں شکست کھانے کے باوجود پاکستان نے جنرل عاصم منیر کو اپنا فیلڈ مارشل بنایا

ہندوستان کے ہاتھوں رسوا ہونے کا صلہ عاصم منیر کے سینے پر تمغے کی صورت میں چمکنے والا ہے۔ پاکستانی کابینہ نے عاصم منیر کو فیلڈ مارشل بنانے کی تجویز کو منظوری دے دی۔

<div class="paragraphs"><p>فائل تصویر آئی اے این ایس</p></div>

فائل تصویر آئی اے این ایس

 

آپریشن سندور کے تحت ہندوستانی فوج سے شکست کھانے کے بعد بھی پاکستانی حکومت اپنے عوام کے سامنے اپنی پیٹھ تھپتھپانے میں مصروف ہے۔ اس کے تحت شہباز حکومت نے اپنے فوجی سربراہ  عاصم منیر کو ترقی دے دی۔ منگل  یعنی 20 مئی کو شہباز شریف کی سربراہی میں پاکستانی کابینہ نے عاصم منیر کو فیلڈ مارشل مقرر کرنے کی تجویز کی منظوری دی۔

Published: undefined

فیلڈ مارشل بننے کے بعد عاصم منیر نے ان پر اعتماد کرنے پر صدر آصف علی زرداری، وزیراعظم شہباز شریف اور وفاقی کابینہ کا شکریہ ادا کیا۔ انہوں نے کہا کہ یہ عزت قوم کی امانت ہے جس کے لیے لاکھوں عاصموں نے جانوں کا نذرانہ پیش کیا۔ یہ کوئی ذاتی اعزاز نہیں بلکہ افواج پاکستان اور پوری قوم کا اعزاز ہے۔

Published: undefined

ہندوستان  کے ہاتھوں رسوا ہونے کا صلہ عاصم منیر کے سینے پر تمغے کی صورت میں چمکنے والا ہے۔ عاصم منیر پاکستان کی تاریخ میں ایوب خان کے بعد یہ کارنامہ انجام دینے والے دوسرے فوجی سربراہ  ہیں۔ حکومت پاکستان نے عاصم منیر کو یہ ایوارڈ 6 اور 7 مئی کی درمیانی شب ہندوستان کی طرف سے پاکستان میں دہشت گردوں کے کیمپوں پر حملے کے بعد ہندوستان پر حملے میں فتح کا خود اعلان کرنے، یعنی خود تعریف کرنے پر دیا ہے۔

Published: undefined

شہباز شریف اور پاکستان کے فوجی سربراہ  عاصم منیر مسلسل یہ دعویٰ کرتے رہے ہیں کہ انہوں نے اپنی بے مثال عسکری قیادت کی وجہ سے ہندوستان کو جھکنے پر مجبور کیا جب کہ دنیا نے دیکھا کہ پاک فوج نے کس طرح ہتھیار ڈالے۔ ہندوستانی  حکومت نے پاکستان کے کھوکھلے دعوؤں کو ایک ایک کرکے بے نقاب کیا اور پوری دنیا کو ثبوتوں کے ساتھ دکھایا کہ ہندوستان  کی جوابی فوجی کارروائی سے پاکستان کی حالت ابتر ہوگئی ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined