مسلم تہذیب سے حد درجہ نفرت کرنے والی یوگی حکومت نے مدارس میں این سی ای آر ٹی نصاب نافذ کرنے کے بعد اب یہاں کے بچوں کے لیے ڈریس کوڈ طے کرنے کی تیاری کر رہی ہے۔ ذرائع کے مطابق بہت جلد مدارس کے بچوں کو کرتا پاجامہ کی جگہ پینٹ شرٹ پہننا لازمی بنایا جائے گا۔ وزارت برائے اقلیتی امور نے اس سلسلے میں تیاریاں بھی شروع کر دی ہیں۔
Published: undefined
مدرسوں کو جدید بنانے کے نام پر یکے بعد دیگرے کئی تبدیلیاں کرنے والی یوگی حکومت اب یہاں تعلیم حاصل کرنے والے بچوں کی ظاہری شناخت بھی چھیننے کی کوشش میں ہے۔ اقلیتی امور کے ریاستی وزیر محسن رضا نے اس سلسلے میں پرائیویٹ نیوز ویب سائٹ ’آج تک‘ سے خصوصی بات چیت کی جس میں انھوں نے کہا کہ مدرسوں میں پہنے جانے والے کرتا پاجامہ کی جگہ جلد ہی پینٹ شرٹ کو لازمی بنایا جائے گا۔
Published: undefined
محسن رضا کا کہنا ہے کہ مدرسوں میں عموماً کرتا پاجامہ اور خصوصاً اونچے پاجامے پہننے سے طلبا کی ایک الگ شناخت قائم ہوتی ہے جو ایک خاص مذہب کی طرف اشارہ کرتی ہے، اور اس سے بچوں میں احساس کمتری پیدا ہوتی ہے جس کو ختم کرنا ضروری ہے۔ انھوں نے کہا کہ مدرسوں کے بچے بھی اسکولوں کے بچے کی طرح لگیں اس لیے مدرسوں میں پینٹ شرٹ پہننے یا نئے ڈریس کوڈ سے متعلق غور و خوض چل رہا ہے اور جلد ہی حکومت اس پر کوئی حتمی فیصلہ لے گی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined