خبریں

جوہری معاہدے پر مثبت بات چیت ہوئی ہے، ایران

ایرانی مذاکرات کار کے مطابق ویانا میں تہران حکومت کے نمائندوں اور 2015ء کے جوہری معاہدے کے رکن ممالک کے درمیان ایمرجنسی ملاقات ’تعمیری‘ رہی ہے۔

جوہری معاہدے پر مثبت بات چیت ہوئی ہے، ایران
جوہری معاہدے پر مثبت بات چیت ہوئی ہے، ایران 

ایران کے سینیئر جوہری مذاکرات کار عباس عراقچی نے کہا ہے کہ جوہری معاہدے کے فریق ممالک کے ساتھ ویانا میں ہونے والی ایمرجنسی ملاقات 'تعمیری‘ رہی ہے۔ ساتھ ہی انہوں نے یہ بھی کہا ہے کہ اگر یورپی ممالک نے معاہدے کو بچانے کی کوشش نہ کی تو ایران اس معاہدے سے جُڑی اپنی ذمہ داریوں سے بتدریج الگ ہوتا جائے گا۔

Published: undefined

خبر رساں ادارے روئٹرز کے مطابق عباس عراقچی کا کہنا تھا، ''ماحول تعمیری تھا۔ بات چیت اچھی رہی۔ میں یہ تو نہیں کہہ سکتا کہ ہم نے ہر مسئلے کو حل کر لیا ہے، مگر میں یہ کہہ سکتا ہوں کہ بہت سے وعدے کیے گئے ہیں۔‘‘

Published: undefined

2015ء میں طے پانے والے جوہری معاہدے کے فریق ممالک کے ساتھ تہران حکومت کے نمائندوں کی یہ ملاقات آج اتوار 28 جولائی کو آسٹرین دارالحکومت ویانا میں ہوئی ہے۔ خیال رہے کہ امریکی صدر ڈونلڈ ٹرمپ نے گزشتہ برس اس معاہدے سے الگ ہونے کا اعلان کر دیا تھا۔ اس کے ساتھ ہی امریکا نے ایران کے خلاف اقتصادی پابندیاں بھی عائد کر دیں، جن میں بتدریج اضافہ کر دیا گیا۔ اسی سبب ایران اور امریکا کے درمیان تعلقات شدید تناؤ کا شکار ہیں اور خلیج فارس میں شدید کشیدگی پائی جاتی ہے۔

Published: undefined

برطانیہ، فرانس، جرمنی، روس اور چین کے نمائندوں سے ملاقات کے بعد ایران کے سینیئر جوہری مذاکرات کار عباس عراقچی نے مزید کہا، ''جیسا کہ ہم پہلے کہہ چکے ہیں کہ جب تک یورپی ممالک ایران کے مفادات کو تحفظ فراہم نہیں کرتے تب تک ہم اس معاہدے کے تحت لاگو ذمہ داریوں میں کمی لانے کا عمل جاری رکھیں گے۔‘‘

Published: undefined

امریکا مئی 2018ء میں اس جوہری معاہدے سے الگ ہوگیا تھا، جس کے بعد سے ایران اور دیگر فریق ممالک اس معاہدے کو بچانے کی کوششوں میں مصروف ہیں۔

Published: undefined

یورپی ممالک کا موقف ہے کہ ایران کی طرف سے اس جوہری معاہدے سے الگ ہونے سے صورتحال مزید کشیدہ ہو گی۔ تاہم ان کی طرف سے ایران کو اس معاہدے کے تحت جو آسانیاں فراہم کی جانا تھیں ان پر ابھی تک عملدرآمد ممکن نہیں ہو سکا ہے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined

,
  • ’بی جے پی نے نوجوانوں کو دھوکہ دیا‘، کانگریس امیدوار آنند شرما نے کانگڑا میں کی انتخابی مہم کی شروعات