دہلی کی تیس ہزاری کورٹ میں دہلی پولس اور وکلاء کے درمیان جھڑپ ہوئی ہے، اس دوران ایک وکیل کے زخمی ہونے کی خبر ہے، جسے اسپتال میں داخل کرایا گیا ہے، آگ زنی کی بھی تصویریں سامنے آئی ہیں، فی الحال کورٹ احاطے میں بڑی تعداد میں پولس فورس موجود ہے۔
Published: 02 Nov 2019, 8:57 AM IST
كرناٹک کے وزیر اعلی بی ایس یدی یورپا پر کانگریس-جے ڈی ایس ممبران اسمبلی کی خرید فروخت کے الزام پر کانگریس لیڈر سدا رميا نے کہا، ’’انہوں نے (یدی یورپا) اور امت شاہ نے جو کچھ کیا وہ جمہوریت کے قتل اور آئین کی خلاف ورزی ہے، وزیر اعلی اور وزیر داخلہ دونوں کو آئینی عہدے پر بنے رہنے کا کوئی حق نہیں ہے‘‘۔
Published: 02 Nov 2019, 8:57 AM IST
جےڈی ایس لیڈر اور کرناٹک کے سابق وزیر اعلی ایچ ڈی كماراسوامی نے کہا کہ بی جے پی نے کس طرح سے اقتدار اور دولت کا غلط استعمال کیا یہ سب کے سامنے ہے، اب لوگوں کو انصاف کرنا ہے۔
Published: 02 Nov 2019, 8:57 AM IST
ہریانہ میں بھوپندر سنگھ ہڈا کو کانگریس پارٹی نے قانون ساز پارٹی کا رہنما اور ہریانہ اسمبلی میں حزب اختلاف کا لیڈر منتخب کیا گیا ہے، کانگریس کے سینئر لیڈر غلام نبی آزاد نے میڈیا سے بات کرتے ہوئے اس بات کا اعلان کیا۔
Published: 02 Nov 2019, 8:57 AM IST
مشرقی دہلی میونسپل کارپوریشن کی طرف سے آلودگی کو کم کرنے کے لئے گیتا کالونی کے ارد گرد کے علاقوں میں سڑکوں پر پانی کا چھڑکاؤ کیا جا رہا ہے۔
Published: 02 Nov 2019, 8:57 AM IST
ہریانہ کے کیتھل ضلع میں ڈپٹی ڈائریکٹر زراعت نے کہا، ’’133 کسانوں کو پرالی جلانے کے لئے چالان جاری کیے گئے ہیں، اس سال کیتھل میں پرالی جلانے کے 60 فیصد معاملے کم سامنے آئے ہیں، جن کسانوں نے جرمانہ نہیں بھرا ان کے خلاف ایف آئی آر درج کی جا رہی ہے۔
Published: 02 Nov 2019, 8:57 AM IST
ماسکو: روس کے دور دراز مشرقی خلیج ناخورکہ میں گیس اور ’ایئر مکسر‘ سے لدے ایک ٹینکر میں دھماکے میں دو افراد کی موت ہو گئی جبکہ ایک شخص لاپتہ بتایا جارہا ہے۔ مقامی تفتیشی ایجنسی نے ہفتہ کو بتایا ’’ميئس استافیووا کے قریب خلیج ناخورکہ میں گیس اور 'ایئر مکسر' سے لدے ٹینکر میں دھماکہ ہوا۔ ابتدائی اطلاعات کے مطابق اس واقعہ میں دوافراد کی موت ہوگئی جبکہ ایک شخص لاپتہ ہے‘‘۔ اس سلسلے میں رپورٹ درج کرکے تحقیقات شروع کر دی گئی ہے۔ ناخورکہ بندرگار اتھارٹی کے ایک ترجمان نے بتایا کہ یہ دھماکہ امریکی آئل ٹینکر میں ہوا ہے۔
Published: 02 Nov 2019, 8:57 AM IST
نئی دہلی/ ویشالی: دہلی میٹرو میں تکنیکی خرابی کی وجہ سے ہفتہ کی صبح میٹرو سروس میں تاخیر ہوئی جس کی وجہ سے اپنے اپنے دفتروں کو جانے والے لوگوں سمیت تمام مسافروں کو زبردست پریشانیوں کا سامنا کرنا پڑا۔ دہلی میٹرو ریل کارپوریشن (ڈی ایم آر سی) کے ذرائع نے بتایا کہ بلیو لائن پر اتر پردیش کے ویشالی- دوارکا کے درمیان میٹرو سروس تکنیکی خرابی کی وجہ سے متاثر ہوئی۔ خامیوں کی وجوہات کا پتہ لگایا جا رہا ہے۔ تکنیکی خرابی کی وجہ سے ویشالی سے دوارکا کے درمیان چلنے والی میٹرو ٹرین کافی دیر تک رک رک کر چل رہی تھی اور جمنا بینک میں مسافروں سے ٹرین خالی کرنے کو کہا گیا اور کم از کم دو میٹرو کے مسافروں کو نوئیڈا سٹی سے دوارکا آنے والی ٹرین پر سوار ہونے کا مشورہ دیا گیا۔ اس کے بعد مسافروں نے ٹرین بدل کر آگے کا سفر شروع کیا۔ جس میں مسافروں کے ایک گھنٹے کا وقت برباد ہو گیا۔ میٹرو ریل کے انجینئرز ٹریفک بحال کرنے کی کوششوں میں لگے ہوئے ہیں۔
Published: 02 Nov 2019, 8:57 AM IST
جرمنی کی چانسلر انجیلا مرکیل ان دنوں ہندوستان کے دورہ پر دہلی میں ہیں۔ اس درمیان انھوں نے یکم نومبر کو دہلی کی تاریخی جامع مسجد کا دورہ کیا۔
Published: 02 Nov 2019, 8:57 AM IST
کانگریس جنرل سکریٹری پرینکا گاندھی نے چھٹھ کے موقع پر ٹوئٹ کرتے ہوئے لوگوں کو نیک خواہشات پیش کی ہیں۔ انھوں نے ٹوئٹ میں لکھا ہے کہ ’’قدرت اور عوامی رنگ میں عقیدت کے تہوار چھٹھ کی آپ سب کو ڈھیروں نیک خواہشات۔ چھٹھ تہوار ہم سبھی کو ٹھیکوا کی مٹھاس سماج میں پھیلانے اور قدرت کو بچانے کی ترغیب دے۔‘‘
Published: 02 Nov 2019, 8:57 AM IST
اتر پردیش اے ٹی ایس نے گجرات اے ٹی ایس کے ساتھ مل کر کانپور سے یوسف خان نامی ایک شخص کو گرفتار کیا ہے۔ الزام ہے کہ یوسف خان نے ہندو سماج پارٹی کے سربراہ کملیش تیواری کے قتل میں استعمال کی گئی پستول قاتلوں کو مہیا کرائی تھی۔
Published: 02 Nov 2019, 8:57 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 02 Nov 2019, 8:57 AM IST