ایٹہ: اترپردیش کے ضلع ایودھیا میں رام مندر تعمیر کا راستہ صاف ہونے کے بعد اس کے مین دروازے پر لگنے والے دو کوئنٹل وزنی گھنٹے کو گھنگھرؤں کے شہر ایٹہ میں بنایا جائے گا۔ شہر میں گھنگھرو گھنٹی کے لئے اپنی الگ شناخت رکھنے والے ایٹہ کے جلیسر قصبے میں واقع ایک فرم کو گھنٹہ بنانے کے لئے کہا گیا ہے اور یہاں 2100 کلو کے گھنٹے کو بنانے کی کارروائی شروع کی جائے گی۔ یہ گھنٹہ پورے ملک کی مندروں میں لگے گھنٹے سے سب سے بڑا اور وزنی ہوگا۔ جلیسر کے چیئرمین اور بھارتیہ جنتا پارٹی (بی جے پی) لیڈر وکاس متل نے بتایا کہ ان کی فیکٹری کو زبانی طور پر رام مندر کے لئے کل 10 گھنٹے بنانے کا آرڈر ملا ہے۔ پیتل سمیت دیگر دھاتوؤں کے ان گھنٹوں کو اقبال، شمس الدین اور داؤ دیال بنا رہے ہیں۔
Published: 12 Nov 2019, 8:49 AM IST
پونے سیشن کورٹ نے بھیما کوریگاؤں واقعہ کے ملزم گوتم نولکھا کی ضمانت عرضی مسترد کر دی ہے۔ گوتم نولکھا نے پونے سیشن کورٹ میں پیشگی ضمانت عرضی داخل کی تھی جسے نامنظور کر دیا گیا ہے۔
Published: 12 Nov 2019, 8:49 AM IST
ہندوستان کے وزیر اعظم نریندر مودی گیارہویں برکس سمیلن میں میں شامل ہونے برازیل کے لیے روانہ ہو گئے ہیں۔ روانگی سے پہلے پی ایم مودی کابینہ کی ایک اہم میٹنگ میں شامل ہوئے جس میں مہاراشٹر میں صدر راج نافذ کرنے کو منظوری دی گئی۔
Published: 12 Nov 2019, 8:49 AM IST
لکھنؤ: ایودھیا معاملے میں فیصلہ آنے کے بعد پیر کو اترپردیش حکومت نے متعدد سیاسی لیڈروں اور وزراء کی سیکورٹی بڑھا دی ہے۔ سرکاری ذرائع نے منگل کو یہاں بتایا کہ پیر کے روز حکومت نے سیکورٹی کا جائزہ لیا اور خفیہ ایجنسیوں سے موصول ان پٹ کی بنیاد پرمتعدد افراد کی سیکورٹی میں اضافہ کیا گیا تو وہیں کچھ افراد کی سیکورٹی ہٹادی گئی ہے۔ فروغ گنا کے وزیر سریش رانا کو ’زیڈ پلس‘ سیکورٹی فراہم کی گئی ہے اس سے پہلے ان کو ’زیڈ‘ سیکورٹی حاصل تھی۔ اسی طرح سے یوپی سنی سنٹرل وقف بورد کے چیئر مین ظفر فاروقی اور شیعہ وقف بورڈ کے چیئرمین وسیم رضوی کی سیکورٹی ’وائی‘ سے بڑھا کر ’وائی پلس‘ کردی گئی ہے۔
Published: 12 Nov 2019, 8:49 AM IST
اے آئی ایم آئی ایم لیڈر اسدالدین اویسی نے کہا ہے کہ ہم نہ تو بی جے پی کی قیادت والی حکومت کی حمایت کریں گے اور نہ ہی شیوسینا حکومت کی قیادت کریں گے۔ انھوں نے کہا کہ ہم اپنا رخ ظاہر کر دینا چاہتے ہیں کیونکہ ہم ان دونوں ہی پارٹیوں کے نظریات کے خلاف ہیں۔
Published: 12 Nov 2019, 8:49 AM IST
ایک طرف مہاراشٹر میں بی جے پی کے ہاتھوں سے حکومت جا چکی ہے اور دوسری طرف جھارکھنڈ میں بھی اس کے لیے مشکلیں کھڑی ہو گئی ہیں۔ دراصل جھارکھنڈ کی 81 اسمبلی سیٹوں پر انتخابات ہونے والے ہیں۔ اس درمیان جھارکھنڈ میں بی جے پی کی ساتھی پارٹی لوک جن شکتی پارٹی (ایل جے پی) نے ریاست میں اتحاد توڑنے کا اشارہ دیا ہے۔ ایل جے پی صدر چراغ پاسوان نے کہا کہ لوک جن شکتی پارٹی کی ریاستی یونٹ نے فیصلہ کیا ہے کہ ہم جھارکھنڈ کی 50 سیٹوں پر تنہا انتخاب لڑیں گے۔ اس سے پہلے پیر کے روز چراغ پاسوان نے کہا تھا کہ ایل جے پی نے جن سیٹوں کا مطالبہ کیا تھا ان میں سے زیادہ تر پر بی جے پی نے اپنے امیدوار کا اعلان کر دیا ہے، اس لیے ان کی پارٹی جھارکھنڈ اسمبلی انتخاب اپنی طاقت پر لڑنے کے لیے تیار ہے۔
Published: 12 Nov 2019, 8:49 AM IST
ڈھاکہ: بنگلہ دیش کے ضلع براهمن بريا میں منگل کو دو مسافر ٹرینوں کے درمیان آمنے سامنے کی ٹکر میں کم از کم 15 افراد کی موت ہو گئی اور کئی دیگر زخمی ہو گئے۔ پولس نے بتایا کہ صبح تقریبا دو بجے اُدین ایکسپریس پلیٹ فارم پر پہنچنے والی تھی کہ تبھی وہ دوسری ٹرین سے ٹکرا گئی۔ ٹکر اتنی زبردست تھی کہ ٹرین کے دو ڈبوں کو شدید نقصان پہنچا ہے۔ حادثے میں کم از کم 15 افراد کی موت ہو گئی۔
ضلع پولس سربراہ نے حادثے میں 15 افراد کے مارے جانے کی تصدیق کرتے ہوئے کہا کہ کچھ زخمیوں کی حالت نازک ہونے کی وجہ سے مرنے والوں کی تعداد بڑھ سکتی ہے۔ انہوں نے بتایا کہ راحت اور امدادی کام جاری ہے۔ حادثے کی وجہ کا اب تک پتہ نہیں چل سکا ہے۔
Published: 12 Nov 2019, 8:49 AM IST
راجستھان کے بیکانیر میں کار اور ٹرک کے درمیان ہوئے شدید ٹکر میں 7 افراد کے جاں بحق ہونے کی خبریں موصول ہوئی ہیں۔ بتایا جاتا ہے کہ اس حادثہ میں 5 دیگر افراد زخمی ہوئے ہیں جن میں کچھ کی حالت تشویشناک ہے۔ یہ حادثہ دیشنوک علاقے میں منگل کی علی الصبح پیش آیا۔ زخمی افراد کو علاج کے لیے قریب کے اسپتال میں داخل کرایا گیا ہے۔
Published: 12 Nov 2019, 8:49 AM IST
راجدھانی دہلی میں ایک بار پھر ہوا کا معیار خراب ہو گیا ہے۔ منگل کی صبح دہلی میں دھند دیکھنے کو ملی اور فضائی آلودگی کے سبب لوگوں کو سانس لینے میں پریشانی ہو رہی ہے۔ گرو پرو کی وجہ سے چونکہ اسکول اور کئی دفاتر بند ہیں، اس لیے لوگ گھروں میں ہی رہنا زیادہ پسند کر رہے ہیں۔
Published: 12 Nov 2019, 8:49 AM IST
کرناٹک مین کانگریس کے سرکردہ لیڈر ڈی کے شیوکمار کی طبیعت اچانک خراب ہو گئی ہے۔ بتایا جاتا ہے کہ انھیں سینے میں تکلیف کی شکایت ہوئی جس کے بعد انھیں بنگلورو کے اسپتال میں داخل کرایا گیا۔ انھیں سینے میں درد گزشتہ شب ہوا تھا اور رات کو ہی انھیں اسپتال میں داخل کرایا گیا۔
Published: 12 Nov 2019, 8:49 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 12 Nov 2019, 8:49 AM IST
تصویر: بشکریہ محمد تسلیم
تصویل: کانگریس میڈیا ڈپارٹمنٹ
تصویر: پریس ریلیز
تصویر: بشکریہ محمد تسلیم