اپریل میں عمر البشیر کو اقتدار سے الگ کرنے کے بعد اقتدار سنبھالنے والی ملٹری کونسل کے ایک مرکزی رکن لیفٹیننٹ جنرل یاسر العطاء کا کہنا تھا، ’’ہم نے تین سال کی عبوری مدت پر اتفاق کر لیا ہے۔‘‘ان کا مزید کہنا تھا کہ بدھ کا دن ختم ہونے سے پہلے خود مختار کونسل کے قیام، طاقت کی تقسیم، جس میں نئی حکمران باڈی کی تشکیل بھی شامل ہے، پر حتمی معاہدہ کر لیا جائے گا۔‘‘
Published: undefined
احتجاجی مظاہرے کرنے والی تحریک ایف ڈی ایف سی کے رکن ساتیع الحج کا کہنا تھا، ’’ہمارے خیالات ایک دوسرے سے قریب ہیں اور انشااللہ ہم جلد ہی ایک معاہدے تک پہنچ جائیں گے۔‘‘ بتایا گیا ہے کہ ملک میں نئے انتخابات کے انعقاد تک ایک نئی کونسل ملک کو چلائے گی۔
Published: undefined
لیفٹیننٹ جنرل یاسر العطاء کا کہنا تھا کہ عبوری دور کے دوران تین سو اراکین والی ایک پارلیمان تشکیل دی جائے گی اور اس میں ستاسٹھ فیصد اراکین کا تعلق احتجاجی تحریک کے گروپوں سے ہو گا جبکہ باقی وہ اراکین ہوں گے، جن کا تعلق مختلف سیاسی جماعتوں سے ہے۔ ان کا مزید کہنا تھا کہ پہلے چھ ماہ ان باغیوں کے ساتھ امن معاہدے کرنے کے لیے وقف کیے جائیں گے، جو ملک کے جنگ زدہ علاقوں میں سرگرم ہیں۔
Published: undefined
سوڈان کے اپوزیشن گروپ عبوری ملٹری کونسل پر الزام عائد کرتے ہیں کہ وہ جان بوجھ کر اقتدار سویلین حکومت کے حوالے کرنے میں تاخیری حربے استعمال کر رہی ہے۔ اس کے علاوہ مظاہرین کے خلاف حالیہ پرتشدد حملوں کا الزام بھی ملٹری کونسل پر ہی عائد کیا جاتا ہے تاکہ مذاکرات اور اقتدار کی منتقلی کا عمل مزید پیچیدہ ہو جائے۔
Published: undefined
ایف ڈی ایف سی کے ایک اور رکن مدنی عباس مدنی کا منگل 14 مئی کو کہنا تھا، ’’یہ بہت ہی واضح امر ہے کہ کچھ انقلاب مخالف قوتیں مذاکرات میں پیش رفت سے ناخوش ہیں۔‘‘
Published: undefined
سوڈان میں امریکا اپوزیشن جماعتوں کی حمایت کر رہا ہے اور اس کی طرف سے پیر 13 مئی کو ہونے والی پرتشدد جھڑپوں کا الزام بھی عبوری فوجی کونسل پر عائد کیا گیا ہے۔ پیر کے روز سوڈان کے فوجی اہلکاروں نے سڑکوں پر لگی وہ رکاوٹیں دور کرنے کی کوشش کی تھی، جو مظاہرین نے لگا رکھی ہیں۔ اس دورن جھڑپوں میں کم از کم تین افراد ہلاک اور ساٹھ زخمی ہوئے تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined