کٹ منی کے خلاف آسنسول میں بی جے پی نے ریلی کا انعقاد کیا تھا مگر بعد میں یہ تشدد کی شکل اختیار کرلیا اور پولس کو بھیڑ منتشر کرنے کیلئے گیس اور لاٹھی چارج کرنے پڑے۔
پولس نے مغربی بردوان ضلع کے شہر میں بریگیڈ لگارکھے تھے۔صرف چند نمائندوں کو آگے جانے کی اجازت دی گئی تھی مگر جلوس کے شرکاء نے بریگیڈ کو توڑ د۹یا اور پتھر بازی کرنے لگے۔آسنسول درگا پور پولس کمشنر نے کہا کہ حالات خراب ہونے کے بعد ریف کو اتارا گیا اور مجمع کو منتشر کرنے کیلئے لاٹھی چارج کرنے کی ہدایت دی گئی ہے۔جب حالات کو کنٹرول کرنا مشکل ہوگیا تو پھر آنسو گیس چھوڑے گئے۔ تاہم اس وقت حالات کنٹرول میں ہے۔
Published: 05 Jul 2019, 9:09 AM IST
دربھنگہ: بہار میں دربھنگہ ضلع کے نہرا معاون تھانہ علاقہ کے دھوبی ٹولہ میںایک خاتون نے گلے میں پھندا لگا کرخودکشی کرلی۔ پولیس ذرائع نے آج یہاں بتایاکہ دھوبی ٹولہ باشندہ امریندر کمار کی اہلیہ مینو کماری (25) نے کل دیر رات گھریلو تنازعہ سے تنگ آکر گلے میں پھندا لگا کر خود کشی کرلی۔ ذرائع نے بتایاکہ لاش پوسٹ مارٹم کیلئے دربھنگہ میڈیکل کالج اسپتال بھیج دی گئی ہے ۔
Published: 05 Jul 2019, 9:09 AM IST
مدھیہ پردیش کے ضلع علی راج پورمیں ایک تالاب میں نہانے گئے تین بچوں کی ڈوبنے سے موت ہو گئی ۔ ضلع کے سونڈوا بلاک کے گاؤں جاملي میں جمعرات دیر شام تالاب میں نہانے گئے تین بچے ڈوب گئے ۔ پولیس سے موصول اطلاع کے مطابق گاؤں کے ہی دو لڑکے راہل (7)، اونيا (8) اور ایک لڑکی روینا (12) گزشتہ دیر شام تالاب میں نہانے گئے ۔ نہاتے وقت تینوں چکنی مٹی میں پھسل کر ڈوب گئے۔بچوں کے ڈوبنے کی اطلاع پولیس کو ملنے پر غوطہ خوروں کی مدد سے تینوں کی لاشیں باہر نکالی گئی ۔ بچوں کے ڈوب کر مرنے سے گاؤں میں صف ماتم بچھ گئی۔
Published: 05 Jul 2019, 9:09 AM IST
جنیوا: تیونس کے سمندری خطے میں مہاجرین سے بھری ایک کشتی کے ڈوب جانے سے اس میں سوار 80 سے زائد افراد کے مارے جانے کا خدشہ ظاہر کیا جارہا ہے۔ اقوام متحدہ کا ادارہ برائے مہاجرین (یو این ایچ سی آر) نے جمعرات کو یہ اطلاع دی ۔ اس حادثے میں بچ گئے لوگوں کے حوالے سے یو این ایچ سی آرنے بتایا کہ یہ حادثہ بدھ کی شب کو پیش آیا ۔ وہاں سے گزر رہے تیونس کے ماہی گیر وں نے چار مہاجرین کو بچا کر کنارے پر لائے جس میں سے ایک کی بعد میں موت ہو گئی ۔ تیونس کے جارجس میں دو مہاجرین کی امداد کی جا رہی ہے جبکہ ایک مہاجرین کا اسپتال میں علاج چل رہا ہے ۔ یہ کشتی بحیرہ روم پار کر اٹلی کی طرف جا رہی تھی۔
Published: 05 Jul 2019, 9:09 AM IST
گجرات میں راجیہ سبھا کی دو سیٹوں کے لیے ضمنی انتخاب صبح سے جاری ہے۔ پولنگ گاندھی نگر ریاستی اسمبلی میں ہو رہی ہے اور یہ شام 4 بجے تک چلے گی۔
Published: 05 Jul 2019, 9:09 AM IST
اتر پردیش کے غازی آباد میں ایک شخص نے اپنی بیوی اور تین بچوں کا قتل کرنے کے بعد خودکشی کر لی۔ پولس نے موقع سے خودکشی نوٹ برآمد کیا ہے جس میں لکھا گیا ہے کہ اس کی بیوی نے اس پر شک کیا اس لیے اس نے واقعہ کو انجام دیا۔ پولس معاملے کی جانچ کر رہی ہے۔
Published: 05 Jul 2019, 9:09 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 05 Jul 2019, 9:09 AM IST
تصویر: پریس ریلیز