اہم خَبر: کشمیر میں تاریخی مغل روڑ پر دلدوز سڑک حادثہ، 11 افراد ہلاک

سری نگر: جنوبی کشمیر کے ضلع شوپیاں میں پیر کی گلی علاقے میں تاریخی مغل روڑ پر جمعرات کے روز پیش آئے ایک دلخراش سڑک حادثے میں کم از کم 11 افراد از جان جبکہ دیگر 4 زخمی ہوئے۔

پولیس ذرائع کے مطابق جمعرات کو ایک ٹیمپو، جس میں سرنکوٹ میں قائم ایک کمپیوٹر انسٹی چیوٹ کے 15 طلبا و دیگر عملہ ایکسکرشن کی غرض سے سوار تھے، پونچھ سے شوپیاں کی طرف رواں دواں تھا کہ وہ تاریخی مغل روڑ پر پیر کی گلی کے علاقے میں لال غلام کے نزدیک ایک گہری کھائی میں جا گرا جس کے نتیجے میں 11 افراد ہلاک جبکہ 4 دیگر زخمی ہوئے۔ مہلوکیں میں 9 لڑکیاں اور دو لڑکے شامل ہیں۔

انہوں نے کہا کہ حادثہ کے فوراً بعد پولیس کی ایک ٹیم اور مقامی لوگ جائے واردات پر پہنچے اور بچاؤ کارروائی شروع کرکے زخمیوں کو ضلع ہسپتال شوپیاں منتقل کیا جہاں سے چار شدید زخمیوں کو مزید علاج کے لئے سری نگر ریفر کیا گیا۔

ائیر انڈیا کے ممبئی-نیوارک پرواز میں بم کی خبر جھوٹی نکلی۔ ائیر انڈیا کے افسر نے یہ جانکاری دی ہے۔ امریکہ جا رہے ائیر انڈیا کے مسافر طیارہ میں ’بم کی دھمکی‘ کے بعد لندن میں اتارا گیا تھا۔

امریکہ جا رہی ائیر انڈیا کے مسافر طیارہ کو بدھ کے روز ’بم کی دھمکی‘ کے بعد لندن میں ایمرجنسی لینڈنگ کرائی گئی۔

دہلی وقف بورڈ کے چیئرمین اور عام آدمی پارٹی کے رکن اسمبلی امانت اللہ خان نے کہا ہے کہ ’’دہلی وقف بورڈ تبریز انصاری، جو جھارکھنڈ میں ہجومی تشدد میں مارے گئے، ان کی بیوی کو 5 لاکھ روپے دے گا۔ وقف بورڈ انھیں ملازمت بھی دے گا اور انھیں قانونی سہولیات مہیا کرائی جائیں گی۔‘‘

ایک طرف فرید آباد میں کانگریس ترجمان وکاس چودھری کے قتل کی خبر پوری دنیا میں پھیل چکی ہے اور دوسری طرف ہریانہ کے وزیر اعلیٰ منوہر لال کھٹر کا حیران کرنے والا بیان سامنے آیا ہے۔ جب میڈیا نے ان سے اس قتل کے تعلق سے سوال کیا تو انھوں نے جواب دیا کہ ’’مجھے اس بات کی جانکاری نہیں ہے۔‘‘

بہار میں ’چمکی بخار‘ کی وجہ سے بچوں کی اموات کا سلسلہ جاری ہے اور یہ تعداد اب 170 کو پار کر چکی ہے۔ این ڈی اے حکمراں اس ریاست میں صحت خدمات بہتر نہ ہونے کی وجہ سے ناراض یوتھ کانگریس کارکنان نے آج دہلی میں مرکزی وزیر صحت ہرش وردھن کی رہائش پر احتجاجی مظاہرہ کیا۔ اس مظاہرہ میں یوتھ کانگریس کے مرد لیڈروں کے ساتھ ساتھ خواتین لیڈروں نے بھی شرکت کی۔ مظاہرہ کر رہے ان لوگوں کو پولس نے وہاں سے ہٹانے کی کوشش کی لیکن یوتھ کانگریس کارکنان حکومت کے خلاف نعرہ لگاتے رہے۔ کئی کارکنان کو پولس نے جبراً وہاں سے ہٹا کر باہر کیا۔

ہندوستانی ڈیوس کپ ٹیم 55 سال کے بعد پاکستان کا دورہ کر سکتی ہے۔ اے آئی ٹی اے (آل انڈیا ٹینس ایسو سی ایشن) نے اشارہ دیا ہے کہ مرکزی حکومت ستمبر میں پڑوسی ملک میں کھیلے کے لیے کھلاڑیوں کو اجازت دے سکتی ہے۔ ہندوستانی ڈیوس کپ ٹیم مارچ 1964 کے بعد پاکستان دورہ پر نہیں گئی۔ وہ مقابلہ تب لاہور میں کھیلا گیا تھا جسے ہندوستان نے 0-4 سے جیتا تھا۔ اے آئی ٹی اے کے جنرل سکریٹری ہرنمئے چٹرجی نے بدھ کو کہا کہ ’’ہم نے حکومت کو اس سلسلے میں خط لکھا ہے اور امید ہے کہ ہم پاکستان جائیں گے، ہمیں ایسا لگتا ہے۔‘‘

ہریانہ کے فرید آباد سے کانگریس ترجمان وکاس چودھری کا گولی مار کر قتل کر دیا گیا ہے۔ گولی مارنے والے کا فی الحال پتہ نہیں چل پایا ہے۔ پولس پورے معاملے کی جانچ کر رہی ہے۔ میڈیا ذرائع کے مطابق فرید آباد کے سیکٹر-9 کی مارکیٹ میں صبح تقریباً 9 بجے وکاس چودھری پر فائرنگ کی گئی۔ گولی مارنے کے بعد حملہ آور موقع سے فرار ہو گئے۔ سنگین طور سے زخمی کانگریس ترجمون کو اسپتال لے جایا گیا جہاں انھوں نے دَم توڑ دیا۔

مہاراشٹر کے ٹھانے واقع ممبران میں مسلم ٹیکسی ڈرائیور کی پٹائی کا معاملہ سامنے آیا ہے۔ ٹیکسی ڈرائیور نے پولس میں شکایت درج کرائی ہے جس میں کہا گیا ہے کہ کچھ لوگوں نے اسے نہ صرف پیٹا بلکہ ’جے شری رام‘ کا نعرہ لگانے کے لیے دباؤ بھی بنایا۔

جھارکھنڈ میں موب لنچنگ کے شکار تبریز انصاری کے والد کے موب لنچنگ کی خبریں سامنے آنے کے بعد تبریز کے چچا کا رد عمل سامنے آیا ہے۔ انھوں نے میڈیا سے بات کرتے ہوئے اس طرح کی خبروں کو بے بنیاد قرار دیا ہے۔ چچا مسعود عالم نے اس طرح کی خبروں کو غلط ٹھہراتے ہوئے کہا کہ ایسا کچھ بھی نہیں ہوا اور غلط خبریں پھیلائی جا رہی ہیں۔

دراصل اس طرح کی خبریں میڈیا میں گشت کر رہی تھیں کہ تبریز انصاری کے والد کی موب لنچنگ 15 سال پہلے ہوئی تھی اور اسی میں ان کی موت ہو گئی تھی۔ بتایا یہ بھی جا رہا تھا کہ ان کی اپنے دوست کے ساتھ کچھ نااتفاقی ہو گئی تھی جس کے بعد ان کا قتل کر دیا گیا تھا اور لاش ایک ہفتہ بعد برآمد کیا جا سکا تھا۔