دہلی کی ایک عدالت نے سیماپور تشدد معاملے میں سبھی ملزمین کی ضمانت عرضی منظور کر لی ہے۔
Published: 10 Jan 2020, 9:10 AM IST
بریلی کی پاکسو عدالت نے ایک نابالغ لڑکی کی عصمت دری اور اس کے بعد قتل کے معاملے میں 2 قصورواروں کو موت کی سزا سنائی ہے۔ قابل ذکر ہے کہ نابالغ لڑکی کی عصمت دری اور قتل کا یہ معاملہ جنوری 2016 میں نواب گنج علاقہ میں پیش آیا تھا جس کے لیے گرفتار دونوں افراد کو قصوروار ٹھہرایا گیا تھا۔ آج عدالت نے فیصلہ سناتے ہوئے انھیں موت کی سزا دیے جانے کی بات کہی۔
Published: 10 Jan 2020, 9:10 AM IST
انسداد بدعنوانی بیورو کو جھارکھنڈ کے سابق وزیر اعلیٰ رگھوبر داس کے خلاف شکایت ملی ہے۔ یہ شکایت جھارکھنڈ مومینٹم سمٹ میں گھوٹالے کے معاملے پر ہے۔ یہ کیس متعلقہ افسر کو منتقل کر دیا گیا ہے۔
Published: 10 Jan 2020, 9:10 AM IST
دہلی کی جامع مسجد میں نماز جمعہ کے بعد بڑی تعداد میں لوگوں نے شہریت ترمیمی قانون اور این آر سی کے خلاف مظاہرہ کیا۔ ان کے ہاتھوں میں شہریت قانون اور این آر سی کے خلاف بینر بھی تھے جن میں اس قانون کو جلد از جلد واپس لیے جانے کا مطالبہ کیا گیا ہے۔ قابل غور بات یہ ہے کہ اس مظاہرہ میں کئی غیر مسلم حضرات نے بھی شرکت کی ہے۔
Published: 10 Jan 2020, 9:10 AM IST
کانگریس جنرل سکریٹری پرینکا گاندھی آج وارانسی کے دورہ پر ہیں۔ اس دوران انھوں نے وارانسی کے کاشوی واقع راج گھاٹ پر سنت شرومنی روی داس مندر پر لوگوں سے ملاقات کی۔ یہاں انھوں نے کشتی رانی کا مزہ بھی لیا اور لوگوں سے ان کے احوال جانے۔ آج وارانسی دورہ کے دوران پرینکا گاندھی شہریت قانون تشدد کے الزام میں پولس بربریت کے شکار لوگوں سے کے اہل خانہ سے ملاقات کریں گی اور وہ بی ایچ یو طلبا سے ملاقات کے ساتھ ساتھ کچھ دیگر اداروں کے ذمہ داران سے بھی ملیں گی۔
Published: 10 Jan 2020, 9:10 AM IST
سپریم کورٹ میں آج جموں و کشمیر میں عائد پابندیوں سے متعلق انتہائی اہم سماعت ہوئی۔ عدالت عظمیٰ نے حکم دیا ہے کہ ریاستی حکومت انٹرنیٹ پر پابندی، دفعہ 144 اور سیاحت پر لگی پابندی سے جڑے سبھی احکامات کو پبلش کرے اور اس کے ساتھ ہی 7 دن کے اندر ان فیصلوں کا ریویو کرے۔ سپریم کورٹ کا کہنا ہے کہ ریاستی حکومت کی جانب سے جو فیصلے لیے جائیں گے اس سلسلے میں سپریم کورٹ نے ایک کمیٹی تشکیل دی ہے۔ یہ کمیٹی حکومت کے فیصلوں کا جائزہ لے گی اور سات دن کے اندر عدالت کو رپورٹ پیش کرے گی۔ سپریم کورٹ نے ساتھ ہی کہا ہے کہ بینکنگ خدمات اور ضروری مقامات پر انٹرنیٹ خدمات کو فوری اثر سے بحال کیا جائے۔
Published: 10 Jan 2020, 9:10 AM IST
کانگریس جنرل سکریٹری پرینکا گاندھی آج وزیر اعظم نریندر مودی کے پارلیمانی حلقہ وارانسی کا دورہ کریں گی۔ اس دوران وہ بی ایچ یو کے ان طلبا اور سول سوسائٹی کے لوگوں سے ملاقات بھی کریں گی جنھیں شہریت قانون سے متعلق ہوئے مظاہرہ کے دوران تشدد کرنے کے الزام میں گرفتار کیا گیا تھا۔
Published: 10 Jan 2020, 9:10 AM IST
امریکہ کے بعد کناڈا نے بھی گزشتہ دنوں حادثہ کے شکار یوکرین کے مسافر طیارہ کے تعلق سے بڑا بیان دیا ہے۔ کناڈا کے وزیر اعظم جسٹن ٹروڈو کا کہنا ہے کہ جس طرح کی خفیہ جانکاریاں حاصل ہو رہی ہیں اس سے پتہ چلتا ہے کہ اس اندوہناک حادثہ کے لیے ایران ذمہ دار ہے۔ انھوں نے کہا کہ ایرانی میزائل کی وجہ سے مسافر طیارہ حادثہ کا شکار ہوا۔ لیکن ساتھ ہی انھوں نے یہ بھی کہا کہ ایران سے شاید ایسا انجانے میں ہو گیا۔
Published: 10 Jan 2020, 9:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 10 Jan 2020, 9:10 AM IST