اڈیشہ میں ہوئے خوفناک ٹرین حادثہ کے بعد مغربی بنگال کی وزیر اعلیٰ ممتا بنرجی بھی جائے حادثہ پر پہنچیں اور حالات کا جائزہ لیا۔ انھوں نے مرکزی وزیر ریل اشونی ویشنو اور مرکزی وزیر تعلیم دھرمیندر پردھان کی موجودگی میں پریس کانفرنس کی۔ ممتا نے اس موقع پر 500 سے زیادہ اموات کا اندیشہ ظاہر کیا۔ حالانکہ ممتا کے دعویٰ پر فوراً وزیر ریل نے اعتراض ظاہر کیا اور کہا کہ مہلوکین کی آفیشیل تعداد سامنے ہے۔
Published: 03 Jun 2023, 9:14 AM IST
وزیر اعظم نریندر مودی نے اڈیشہ کے بالاسور میں ہوئے ٹرین حادثہ والی جگہ پہنچ کر حالات کا جائزہ لیا۔ اس ٹرین حادثہ میں اب تک 261 افراد کی موت کی خبر سامنے آ چکی ہے اور تقریباً 1000 افراد زخمی ہیں جن میں سے کئی کی حالت سنگین بنی ہوئی ہے۔ جائے حادثہ کا معائنہ کرنے کے بعد پی ایم مودی نے اسپتال پہنچ کر زخمیوں کی عیادت بھی کی۔
Published: 03 Jun 2023, 9:14 AM IST
اڈیشہ کے بالاسور میں ہونے والے ٹرین حادثہ کے بعد حالات کا جائزہ لینے کے لیے وزیر نریندر مودی کی صدارت میں ایک اعلیٰ سطحی اجلاس کا انعقاد کیا گیا۔
Published: 03 Jun 2023, 9:14 AM IST
این سی پی لیڈر اور ایم پی سپریا سولے نے کہا کہ یہ بہت افسوسناک حادثہ ہے۔ میں ان لوگوں کو خراج تحسین پیش کرتی ہوں جنہیں ہم بچا نہیں سکے۔ میں حکام سے درخواست کروں گی کہ سب کو بچایا جائے اور حکومت حادثے کی وجوہات کی تحقیقات کے لیے ایک کمیٹی قائم کرے۔
Published: 03 Jun 2023, 9:14 AM IST
اڈیشہ میں تین ٹرینوں کے تصادم سے اب تک 233 افراد کے ہلاک ہونے کی اطلاع ہے۔ دریں اثنا، ریلوے کے وزیر اشونی ویشنو اور اڈیشہ کے وزیر اعلیٰ نے جائے حادثہ کا دورہ کیا۔ راحت اور بچاؤ کا کام جاری ہے۔ این ڈی آر ایف، او ڈی آر ایف اور فائر بریگیڈ موقع پر موجود ہے۔
Published: 03 Jun 2023, 9:14 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 03 Jun 2023, 9:14 AM IST
تصویر: محمد تسلیم