خبر رساں ادارے ڈی پی اے نے ایرانی عدالتی ترجمان غلام حسین اسماعیلی کے حوالے سے منگل کے دن بتایا ہے کہ ایران کے نمایاں سیاستدان محمد علی نجفی کو سزائے موت سنا دی گئی ہے۔ ملکی نیوز ایجنسی ISNA کے مطابق عدالت میں نجفی پر یہ جرم ثابت ہو گیا تھا کہ انہوں نے اپنی بیوی میترا استاد کو گولیاں مار کر ہلاک کیا ہے۔
Published: undefined
ایرانی میڈیا کے مطابق میترا استاد، 67 سالہ محمد علی نجفی کی دوسری بیوی تھیں۔ اس کیس کے تفصیلات سامنے نہیں آئی ہیں تاہم اطلاعات ہیں کہ ملزم نے الزام عائد کیا تھا کہ میترا نے انہیں دھوکا دیتے ہوئے ایک نوجوان سے جنسی روابط قائم کر لیے تھے۔ نجفی نے مئی میں اپنی اہلیہ کو ہلاک کیا تھا اور اسی ماہ انہیں گرفتار کر لیا گیا تھا۔
Published: undefined
پولیس کی تحویل میں نجفی نے اعتراف کیا تھا کہ انہوں نے اپنی بیوی کو گولیاں ماری ہیں۔ تب پولیس کی طرف سے جاری کیے گئے بیان میں کہا گیا کہ تھا کہ یہ دونوں 'ازدواجی مسائل‘ کا شکار تھے۔
Published: undefined
سن دو ہزار اٹھارہ میں تہران کے میئر کے عہدے سے سبکدوش ہونے والے اصلاح پسند سیاستدان نجفی کے وکیل نے میڈیا کو بتایا ہے کہ وہ اس عدالتی سزا کے خلاف اپیل کریں گے۔ بتایا گیا ہے کہ نجفی کے پاس حق ہے کہ وہ آئندہ بیس دنوں کے اندر اندر اپیل کی درخواست دائر کر سکتے ہیں۔ ایران میں اسلامی قوانین کے مطابق مقتول کے گھر والے مجرم کی سزا کو معاف بھی کر سکتے ہیں۔
Published: undefined
ہائی پروفائل سیاستدان نجفی نہ صرف منجھے ہوئے سیاستدان ہیں بلکہ وہ ایک ماہر ریاضی ہیں اور پروفیسر بھی رہ چکے ہیں۔ وہ ماضی میں سائنس اور ایجوکیشن کے وزیر بھی رہے تھے۔ نجفی صدر حسن روحانی کے مشیر برائے اقتصادیات کے طور پر بھی خدمات سر انجام دے چکے ہیں۔ مارچ سن دو ہزار اٹھارہ کے اواخر تک وہ تہران کے میئر کے عہدے پر فائز تھے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined