خبریں

ہندوستانی سرمایہ کاروں کو مصر نے دی خوشخبری، کاروبار کے لیے نہر سوئز میں ملے گی جگہ

جاری کردہ مشترکہ بیان میں کہا گیا ہے کہ مصر زیادہ ہندوستانی سرمایہ کاری کا استقبال کرتا ہے اور نافذ اصولوں و خاکوں کے مطابق سہولیات دینے کا وعدہ کرتا ہے۔

<div class="paragraphs"><p>نہر سوئز</p></div>

نہر سوئز

 

تصویر سوشل میڈیا

ہندوستانی سرمایہ کاروں کے لیے ایک بڑی خوشخبری سامنے آ رہی ہے۔ مصر نے نہر سوئز کے خصوصی اقتصادی زون میں ہندوستانی صنعت کاروں کو زمین الاٹ کرنے کا منصوبہ بنایا ہے۔ اس سلسلے میں سربراہی اجلاس کے دوران دونوں ممالک کے ذریعہ ایک مشترکہ بیان جاری ہوا ہے۔ بیان میں کہا گیا ہے کہ ہندوستانی فریق تجویز کے لیے ماسٹر پلان کا انتظام کر سکتا ہے۔

Published: undefined

واضح رہے کہ ہندوستانی سرمایہ کاروں کے لیے یہ تجویز مصر کی طرف سے پیش کی گئی ہے۔ اس تجویز میں مصر نے اپنے ملک میں دستیاب سرمایہ کاری کے مواقع کا استعمال کرنے کے لیے غیر ملکی سرمایہ کاری کی صلاحیت رکھنے والی کمپنیوں کی حوصلہ افزائی کرنے کے مقصد سے ہندوستان کی تجویز کے ضمن میں یہ پیشکش رکھی ہے۔

Published: undefined

جاری بیان میں کہا گیا ہے کہ مصر زیادہ ہندوستانی سرمایہ کاری کا استقبال کرتا ہے اور نافذ اصولوں و خاکوں کے مطابق سہولیات دینے کا وعدہ کرتا ہے۔ پی ایم مودی اور مصر کے صدر عبدالفتح السیسی نے مصر میں ہندوستانی سرمایہ کاری کی وسعت کا استقبال کیا جو فی الحال 3.15 بلین ڈالر سے زیادہ ہے۔ دونوں ہی ایک دوسرے کے ممالک میں ابھرتے اقتصادی اور سرمایہ کاری کے مواقع کا پتہ لگانے کے لیے اپنے متعلقہ ممالک کے کاروباروں کو فروغ دینے پر متفق ہوئے۔ دونوں لیڈروں نے مضبوط دو فریقی اقتصادی روابط کی تعریف کی اور وبا سے پیدا چیلنجز کے باوجود 22-2021 میں 7.26 بلین ڈالر کی ریکارڈ سطح پر دو فریقی کاروبار کی موجودہ سطح پر اطمینان کا اظہار کیا۔

Published: undefined

مشترکہ بیان میں کہا گیا ہے کہ انھوں نے اعتماد ظاہر کیا کہ ٹریڈ باسکیٹ میں تنوع لانے اور قدر میں اضافہ پر توجہ مرکوز کر کے دونوں ممالک کے ذریعہ آئندہ پانچ سالوں کے اندر 12 ارب ڈالر کا دو فریقی کاروبار کا ہدف حاصل کیا جا سکتا ہے۔ قابل ذکر ہے کہ دونوں ممالک کاروبار اور سرمایہ کاری پر مبنی رشتوں مٰں تنوع لانے اور اس کی توسیع کرنے کی طرف تیزی سے بڑھ رہے ہیں۔ اس سے قبل دونوں ممالک نے مختلف میٹنگوں کے ذریعہ سے اس سمت میں آپسی خواہش کا اظہار کیا تھا اور دونوں فریقین نے پانچ سالوں کے اندر 12 بلین امریکی ڈالر کا سالانہ دو فریقی کاروبار کا ہدف مقرر کیا تھا۔ اسی عمل میں کاروبار میں تیزی لانے کے لیے دونوں فریقین دو فریقی کاروبار میں رخنہ ڈالنے والے سبھی ایشوز کو جلد حل کرنے، دونوں ممالک کے درمیان کاروبار کو فروغ دینے اور دو فریقی تنظیمی تعاون کو مزید مضبوط کرنے کے لیے اہم نکات کی شناخت کرنے پر متفق ہوئے۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined