منیر اکرم کو ڈاکٹر ملیحہ لودھی کی جگہ اقوام متحدہ میں پاکستان کا مستقل مندوب تعینات کیا گیا ہے۔ وہ اسی عہدے پر 2002ء سے 2008ء تک کام کر چکے ہیں۔ لیکن رپورٹوں کے مطابق سن 2003ء میں امریکا نے پاکستان سے گزارش کی تھی کہ ان کے سفارتی استثنیٰ کو واپس لیا جائے تا کہ ان پر مقدمہ چلایا جا سکے۔ نیویارک پولیس کو دس سمبر 2002ء میں ایک خاتون کی جانب سے مدد کے لیے فون کال موصول ہوئی تھی۔ اس خاتون کا کہنا تھا کہ انہیں سفیر (مینر اکرم) کی جانب سے مارا پیٹا گیا ہے۔ اس خاتون نے پولیس کو بتایا تھا کہ منیر اکرم نے اس کا سر دیوار سے زور سے مارا اور وہ انہیں پہلے بھی مار پیٹ چکے ہیں۔
Published: 02 Oct 2019, 8:00 AM IST
یہ کیس پاکستان کے لیے شرمندگی کا باعث بن سکتا تھا تاہم اس وقت پاکستان امریکا کا دہشت گردی کے خلاف جنگ میں اہم اتحادی ملک تھا اور اس وقت پاکستان نے سکیورٹی کونسل میں بھی نشست لی تھی جہاں یہ فیصلہ کیا جانا تھا کہ عراق میں عسکری کارروائی کی منظوری دی جائے یا نہیں۔ تجزیہ کاروں کے مطابق ان وجوہات کی بناء پر منیر اکرم پر مقدمہ نہیں چلایا گیا۔
Published: 02 Oct 2019, 8:00 AM IST
اب اسی عہدے پر ایک مرتبہ پھر منیر اکرم کی تعیناتی کے فیصلے پر تنقید کی جا رہی ہے۔ کالم نویس بینا شاہ نے اپنے ٹوئٹر اکاؤنٹ پر لکھا،''می ٹو کے دور میں ان کی تعیناتی پاکستانی مرد اور خواتین کو ایک غلط پیغام بھجواتی ہے۔ گھریلو تشدد کرنے والے شخص کو نہ صرف حکومت کی طرف سے تحفظ ملے گا بلکہ آپ کا کریئر بھی متاثر نہیں ہو گا۔‘‘
Published: 02 Oct 2019, 8:00 AM IST
کچھ تجزیہ کاروں کے مطابق منیر اکرم کی عمر ستر برس سے زیادہ ہے اور وہ بھارت کے خلاف سخت خیالات کے حامی ہیں اور یہ عین ممکن ہے کہ ان کی تعیناتی پاکستان کی جانب سے کشمیر کے معاملے پر ایک سخت موقف اپنانے کا نتیجہ ہو۔ دوسری جانب کچھ تجزیہ کاروں کی رائے ہے کہ منیر اکرم ایک تجربہ کار سفارت کار ہیں اور پاکستان ان کے تجربے سے فائدہ اٹھا سکتا ہے۔
Published: 02 Oct 2019, 8:00 AM IST
دریں اثناء ڈاکٹر ملیحہ لودھی نے منیر اکرم کو ان کی تعیناتی کے حوالے سے مبارکباد دیتے ہوئے ان کے لیے نیک خواہشات کا اظہار کیا ہے۔
Published: 02 Oct 2019, 8:00 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 02 Oct 2019, 8:00 AM IST
تصویر: محمد تسلیم
تصویر: سوشل میڈیا