اہم خبر: جھوٹے وعدے کرکے ملک کو برباد کر رہی ہے بی جے پی، پرینکا گاندھی

کانگریس جنرل سکریٹری پرینکا گاندھی واڈرا نے بھارتیہ جنتاپارٹی پر وعدہ پورا نہ کرنےکا الزام لگاتے ہوئے کہاکہ وہ عوام کو گمراہ کرکے مرحلہ وار طریقہ سے اداروں کو برباد کرنے مصروف ہے۔

پرینکا گاندھی نے جمعہ کو ٹویٹ کرکے کہاکہ بی جے پی حکومت منظم طریقہ سے کام کرتی ہے اور ملک کے آئین کوتباہ کرتی ہے۔ ملک کے عوام کوگمراہ کرتی ہے اور پھر انھیں ہی ’بے وقوف ‘ ہے ۔ انھوں نے کہاکہ اس بار ملک کے نوجوان میدان میں ڈٹے ہوئے ہیں وہ اپنے حقوق کے معاملہ میں پیچھے نہیں ہٹنے والے ۔

انھوں نے کہا،’’ کرونولوجی سمجھیے آپ۔پہلے وہ آپ سے دوکروڑ نوکریوں کا وعدہ کریں گے ،پھر وہ حکومت بنائیں گے ،پھر وہ آپکی یونیورسٹیوں کو برباد کریں گے ،پھر وہ ملک کا آئین برباد کریں گے ،پھر آپ پروٹیسٹ کریں گے ،پھر وہ آپ کو ’فول ‘ بولیں گے ۔لیکن ینگستان میدان میں ڈٹارہے گا۔‘‘

کابل: افغانستان کے مشرقی صوبہ لغمان میں فضائیہ کی کارروائی میں 21 جنگجو ہلاک ہو گئے ۔وزارت دفاع نے جمعہ کو یہ اطلاع دی ۔وزارت کی جانب سے جاری بیان کے مطابق افغان نیشنل آرمی نے صوبہ لغمان کے ضلع عليشنگ میں جمعرات دیر شب طالبان جنگجوؤں کے ٹھکانوں کو نشانہ بنا کر فضائی حملہ کیا ۔ اس کارروائی میں 21 جنگجو مارے گئے ۔

ان میں خطرناک جنگجو زین العابدین بھی شامل ہے۔ صوبہ لغمان اور ہمسایہ صوبہ ننگرهار میں جنگجوانہ حملوں کے پیچھے اسی کا ہاتھ تھا ۔ طالبان نے فوج کی کارروائی پر کوئی تبصرہ نہیں کیا ہے ۔ایک مزید واقعہ میں کابل سے 90 کلومیٹر کی دوری پر واقع مہترلام میں فوج کی کارروائی میں پانچ طالبان جنگجو ہو گئے ۔

امام عمیر احمد الیاسی نے ملک کے سبھی شہریوں سے اپیل کی ہے کہ وہ شہریت قانون کے خلاف پرامن مظاہرہ کریں۔ انھوں نے کہا کہ احتجاجی مظاہرہ کرنا ہمارا جمہوری حق ہے، لیکن ہمیں یہ مظاہرہ پرامن انداز میں کرنا چاہیے۔ ساتھ ہی امام عمیر احمد الیاسی نے کہا کہ 50 اراکین کا ایک نمائندہ وفد پی ایم مودی اور وزیر داخلہ امت شاہ سے ملاقات کرے گا تاکہ شہریت قانون سے متعلق اپنی باتیں ان کے سامنے رکھ سکیں۔

چھتیس گڑھ میں قومی قبائلی رقص مہوتو کے انعقاد میں شامل ہونے پہنچے راہل گاندھی نے کہا کہ ہندوستانی معیشت سبھی مذاہب اور ذات کے لوگوں کو ساتھ لے بغیر نہیں چل سکتی جب تک ہر ہندستانی کی آواز کو لوک سبھا اور ریاستی اسمبلیوں میں نہیں سنا جاتا، اس وقت تک بے روزگاری اور معیشت کی حالت کے بارے میں کچھ نہیں کیا جا سکتا ہے۔

حیدر آباد پولس نے بی جے پی رکن اسمبلی راجہ سنھ کو شہریت قانون اور این آر سی کی حمایت میں ریلی نکالنے کی اجازت دینے سے انکار کر دیا ہے۔ میڈیا ذرائع کے مطابق گوشہ محل سے منتخب بی جے پی رکن اسمبلی نے شہریت قانون اور این آر سی کے حق میں پبلک میٹنگ کرنے کا فیصلہ کیا تھا لیکن حیدر آباد پولس نے انھیں اس کی اجازت نہیں دی۔