برطانیہ یورپی یونین سے اگر کوئی اقتصادی سمجھوتہ کیے بغیر نکلتا ہے تو اس صورت میں وہاں خوراک، تیل اور ادویات کی قلت پیدا ہونے کے خدشات ہیں۔ برطانوی اخبارسنڈے ٹائمزکے مطابق ان تحفظات کا اظہار حکومت کی اپنے خفیہ دستاویزات میں کیا جا چکا ہے۔
Published: undefined
اخبارکے مطابق بغیر ڈیل کے بریگزٹ کی صورت میں برطانوی بندرگاہوں کی صورت حال ابتر ہو جائے گی اور آئرلینڈ کی سرحدوں پر سنگین مسائل پیدا ہو سکتے ہیں۔
Published: undefined
ایک اندازے کے مطابق پچاسی فیصد برطانوی ٹرک انگلش چینل عبور کرنے کے بعد فرانسیسی کسٹم قوانین کا بھی سامنا کریں گے، جس کے لیے تیاری مکمل نہیں۔ سنڈے ٹائمز کے مطابق بریگزٹ کے ممکنہ اثرات پر یہ رپورٹ برطانوی کابینہ کے دفتر نے مرتب کی۔
Published: undefined
برطانوی وزیر توانائی کواسی کوارٹینگ نے اخبار سنڈے ٹائمز کی رپورٹ رد کرتے ہوئے اسے بلاوجہ لوگوں میں خوف پھیلانے کی کوشش قرار دیا ہے۔ اسکائی نیوز ٹیلی وژن چینل سے گفتگو کرتے ہوئے برطانوی وزیر نے ایسے تمام خدشات کو 'خوف کا پراجیکٹ‘ قرار دیا۔
Published: undefined
برطانوی وزیراعظم بورس جانس بارہا کہہ چکے ہیں کہ یورپی یونین کے ساتھ چاہے کوئی سمجھوتہ طے پائے یا نہیں، برطانیہ اکتیس اکتوبر کو یورپی یونین سے نکل جائے گا۔ بعض مبصرین کے مطابق، اگر برطانیہ واقعی بغیر ڈیل کے یورپی یونین چھوڑتا ہے تو اس سے برطانیہ میں دستوری بحران بھی جنم لے سکتا ہے۔
Published: undefined
ایک سو سے زائد برطانوی اراکین پارلیمنٹ نے وزیراعظم جانسن کے نام لکھے گئے ایک خط کے ذریعے مطالبہ کیا ہے کہ برطانیہ ایک قومی ایمرجنسی سے گذر رہا ہے اس لیے پارلیمنٹ کا فوری اجلاس بلایا جائے۔
Published: undefined
اسی دوران بریگزٹ منسٹر اسٹیفن برکلے نے کہا ہے کہ برطانیہ کے یورپی یونین سے نکلنے کا عمل شروع ہو چکا ہے اور اب اس میں واپسی کی کوئی گنجائیش نہیں۔ انہوں نے ایک ٹویٹ میں لکھا کہ انہوں نے ایک قانونی دستاویز پر دستخط کر دیے ہیں جس کے تحت سن 1972 کے 'یورپی کمیونیٹیز ایکٹ‘ کی تنسیخ کا عمل شروع ہو جائے گا۔ برطانیہ اسی قانون کے تحت یورپی یونین کا رکن بنا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا