اتر پردیش: مافیا مختار انصاری کے بیٹے عباس کو عدالت سے راحت، ہیٹ اسپیچ معاملے میں ملی ضمانت

اتر پردیش کے مافیا مختار انصاری کے بیٹے اور صدر رکن اسمبلی عباس انصاری کو ہیٹ اسپیچ معاملے میں مئو کورٹ سے آج ضمانت مل گئی۔ افسران کو گالی دینے کے معاملے میں چل رہی پیشی کے دوران انھیں عدالت نے فی الحال راحت دی ہے اور یہ مختار انصاری کے بیٹے کے لیے بڑی خوشخبری ہے۔

دراصل انتخابات کے دوران عباس انصاری نے افسران کو ٹرانسفر اور پوسٹنگ کرانے کی دھمکی دی تھی۔ عباس پر شہر کے کوتوالی پولیس اسٹیشن میں شکایت درج کی گئی تھی۔ اس معاملے میں مختار انصاری کے دونوں بیٹے، عباس اور عمر کو ملزم بنایا گیا تھا۔

ایم پی-ایم ایل اے کورٹ میں چیف مجسٹریٹ شویتا چودھری کی عدالت میں اس معاملے کی سماعت چل رہی تھی۔ عباس انصاری نے اتر پردیش اسمبلی انتخابات کے دوران مئو میں فتح جلوس نکالا تھا۔ اس دوران انھوں نے ’کوڈ آف کنڈکٹ‘ پر عمل نہیں کیا تھا اور اصولوں کو توڑا تھا۔ اسی معاملے میں ان کے خلاف کوتوالی میں مقدمہ درج کیا گیا تھا۔