اترپردیش کانگریس کے صدر اجئے کمارللو نے الزام لگایا کہ یوگی حکومت نے دیہی و قصباتی علاقوں میں فرضی جانچ کی بدولت عالمی ادارہ صحت (ڈبلیو ایچ او) سے تعریف حاصل کی ہے جبکہ زمینی حقیقت یہ ہے کہ ریاست میں نہ ویکسین ہے، نہ آکسیجن ہے اورنہ ہی دوائیاں، پھربھی اس کے جھوٹے دعووں میں کوئی کمی نہیں آرہی ہے۔
Published: undefined
مسٹرللو نے ایک بیان میں کہا کہ اعدادوشمار میں ہیراپھیری کرنے والے وزیراعلیٰ یوگی آدتیہ ناتھ کی تعریف کرنے والے وزیردفاع راج ناتھ سنگھ کوکیااپنی پارلیمانی سیٹ لکھنئو سمیت پوری ریاست کے شمشانوں میں چتاوں سے اٹھتی لپٹیں نظرنہیں آئیں۔ وزیردفاع جس طرح وزیراعلیٰ کی تعریف کررہے ہیں اس سے ثابت ہوتا ہے کہ انسانی ہمدردی سےان کا کوئی تعلق نہیں ہے۔
Published: undefined
انہوں نے کہا کہ گاووں قصبوں میں کورونا کے سبب مسلسل اموات ہورہی ہیں۔ گنگا کی لہریں اپنوں کی لاشیں سمیٹنے کے لئے مجبورہیں۔ کورونا انفیکشن کوہیراپھیری بھرے اعدادوشمار سے کنٹرول کرنے کاقابل مذمت کھیل کھیل کر حکومت انسانیت کے ساتھ قدم قدم پر گناہ کررہی ہے۔
Published: undefined
انہوں نے کہا کہ یوگی حکومت کو سمجھ لیناچاہیے کہ جھوٹی تعریف اورفرضی اعدادوشمار سے اموات اورمتاثرین کی تعداد کم بتاکر گمراہ کرسکتے ہیں لیکن اسے کنٹرول نہیں کرسکتے ہیں۔ فرضی دعووں، ہیراپھیری بھرے اعدادوشمار سے باہر آکر مسٹر یوگی زمینی سچائی کاسامنا کرتے ہوئے اپنے آئینی اوراخلاقی فرض کو اداکریں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا