ممبئی: شیوسنا لیڈر اور مہاراشٹر کی مہاوکاس آگھاڑی حکومت میں محکمہ جنگلات کے کابینی وزیر سنجے راٹھوڑ نے آج اپنا استعفیٰ مہاراشٹر کے وزیراعلیٰ ادھو ٹھاکرے کو سونپ دیا۔ ممبئی میں واقع وزیراعلیٰ کی سرکاری رہائش گاہ ورشا بنگلے پر وزیراعلیٰ مہاراشٹر ادھو ٹھاکرے سے اپنی بیوی کے ہمراہ ملاقات کرتے ہوئے راٹھوڑ نے وزیر اعلیٰ کو اپنا استعفیٰ سونپا۔ یاد رہے کہ بنجارہ سماج کے لیڈران نے راٹھوڑ کی مخالفت کی تھی۔
Published: undefined
واضح رہے کہ 22 سالہ ٹک ٹاک اسٹار پوجا چوہان خودکشی معاملے میں وزیر اعلی ادھو ٹھاکرے خود راٹھوڑ کو استعفیٰ دینے کے لئے کہا تھا۔ شیوسینا ذرائع کے مطابق راٹھوڑ کو عہدے سے ہٹانے کے متعلق شیوسینا لیڈران کا ایک گروہ اندرونی طور پر خفا ہے۔ ان کا کہنا ہے کہ این سی پی کے ریاستی کابینی وزیر دھننجئے منڈے کو عصمت دری کے الزام کے بعد این سی پی نے نہیں ہٹایا تو راٹھوڑ کے معاملے میں جلد بازی کیوں کی جا رہی ہے۔
Published: undefined
مہاوکاس آگھاڑی حکومت میں کانگریس سے کابینی وزیر بالاصاحب تھورات نے بھی راٹھوڑ کو ہٹانے سے متعلق بیان دیا تھا۔ اتحادی جماعتیں کانگریس اور این سی پی کا ماننا ہے کہ راٹھوڑ کو عہدے پر قائم رکھنے کے سبب مہاوکاس آگاڑی حکومت کی امیج پر اثر پڑسکتا ہے۔ جبکہ این سی پی ذرائعے سے ملی اطلاعات کے مطابق راٹھوڑ کو شرد پوار سے مشورے کے بعد وزارت سے مستعفی ہونے کے لئے کہا گیا ہے۔
Published: undefined
22 سالہ ماڈل اور ٹک ٹاک اسٹار پوجا چوہان خود کشی معاملے پر مہاراشٹر بی جے پی صدر چندرکانٹ پاٹل نے واضح کیا تھا کہ جب تک راٹھوڑ کو کابینی وزارت کے عہدے سے نہیں ہٹایا جاتا تب تک اسمبلی کے بجٹ سیشن کی کاروائی نہیں چلنے دیں گے۔ بی جے پی نے چوہان خوکشی معاملے پر سڑک پر اتر کر احتجاج بھی کیا تھا۔
Published: undefined
پوجا چوہان نے 8 فروری کو پونہ میں ایک عمارت سے کود کر خودکشی کی تھی۔ ذرائعے کے مطابق خود کشی کے ایک روز قبل ہی پوجا چوہان کا ایوت محل کے ایک سرکاری اسپتال میں اسقاط حمل کیا گیا تھا۔ اس معاملے کی کئی آڈیو کلپ سوشل میڈیا پر بھی گشت کر رہی ہیں۔ ایک کلپ میں جو شخص کیس کو ختم کرنے کی بات کر رہا ہے، مانا جارہا ہے کہ وہ سنجے راٹھوڑ ہی ہے۔ پوجا چوہان خودکشی معاملے میں سنجے راٹھوڑ کا نام سامنے آنے کے بعد شیو سینا پر راٹھوڑ کے استعفے سے متعلق دباؤ بڑھتا جا رہا تھا۔
Published: undefined
سنجے راٹھوڑ چار مرتبہ سے رکن اسمبلی ہیں اور ودربھ علاقے کا باثر شیو سینا لیڈر ہیں۔ وہ مہاراشٹر کے بنجارہ سماج میں معروف لیڈر کی حیثیت رکھتے ہیں، راٹھوڑ کو مہاوکاس اگھاڑی سرکار میں 2019 میں محکمہ جنگلات کا کابینی وزیر مقرر کیا گیا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم
تصویر: سوشل میڈیا