ویشالی کشتی حادثہ میں 13 افراد ہلاک!

راگھوپور، ویشالی میں منگل کی شام یعنی 13 اکتوبرکو پیش آنے والے کشتی حادثہ پیش آیا ۔ مرنے والوں کے لواحقین کو 4 لاکھ روپے بطور م معاوضہ دینے کا اعلان ہوا۔حادثے میں تیرہ افراد کے ہلاک ہونے کی اطلاع ہے۔ نیوز پورٹل اے بی پی کی خبر کے مطابق سرکاری تصدیق زیر التواء ہے۔

بہار کے وزیر اعلیٰ سمراٹ چودھری  نے کہا، "خدا مرحوم کی روحوں کو سکون دے اور خاندانوں کو اس زبردست نقصان کو برداشت کرنے کی طاقت دے، ریاستی حکومت مہلوکین کے لواحقین کو ہر ایک کو 4 لاکھ روپے کی مالی امداد (ایکس گریشیا) فراہم کرے گی۔ انتظامیہ کو راحت اور بچاؤ کے کاموں میں تیزی لانے اور زخمیوں کے بہتر علاج کو یقینی بنانے کی ہدایت دی گئی ہے۔"

مرکزی وزیر چراغ پاسوان نے بھی حادثے پر افسوس کا اظہار کیا۔ چراغ پاسوان نے کہا، "میرے پارلیمانی حلقے کے تحت راگھوپور دیارہ میں کشتی کے حادثے میں بہت سے لوگوں کی موت کی خبر انتہائی دردناک اور دل دہلا دینے والی ہے۔ اس حادثے میں زیادہ تر اموات معصوم بچوں کی بتائی جاتی ہیں۔ میں غم کی اس گھڑی میں سوگوار خاندانوں سے اپنی گہری تعزیت کا اظہار کرتا ہوں۔"

ایک ایکس پوسٹ کے ذریعہ چراغ نے کہا، "خدا مرحوم کی روح کو سکون دے اور متاثرہ خاندانوں کو یہ ناقابل برداشت نقصان برداشت کرنے کی طاقت دے، میں نے مقامی حکام کو ہدایت کی ہے کہ متاثرہ خاندانوں کو فوری امداد اور ہر ممکن مدد فراہم کی جائے۔ زخمیوں کو بہترین طبی امداد فراہم کی جائے اور متاثرہ خاندانوں کو مناسب معاوضہ یقینی بنایا جائے۔"

روہنی آچاریہ نے بھی اس واقعہ پر دکھ کا اظہار کیا۔ انہوں نے کہا، "یہ خبر انتہائی دل دہلا دینے والی ہے۔ میرا دل اس دل دہلا دینے والے حادثے سے بہت غمزدہ ہے۔ میں اس حادثے میں جان گنوانے والے تمام افراد کے سوگوار خاندانوں کے ساتھ گہری تعزیت کا اظہار کرتی ہوں۔" انہوں نے کہا کہ بہار حکومت سے مطالبہ کیا جاتا ہے کہ وہ متاثرہ خاندانوں کو ہر ممکن مدد فراہم کرے۔ مناسب معاوضہ دیا جائے۔ زخمیوں کے علاج معالجے کے مناسب انتظامات کو فوری طور پر یقینی بنایا جائے۔