قومی خبریں
راجدھانی دہلی میں سیلابی صورت حال، عوام کو بھاری مشکلات کا سامنا... تصویری جھلکیاں
دہلی میں گزشتہ 3 دن سے مسلسل ہو رہی بارش کے سبب حالات ابتر ہو گئے ہیں۔ یمنا میں پانی کی سطح خطرے کے نشان سے تجاوز کر گئی ہے۔ دریں اثنا، پرانے یمنا پل پر ٹرین کی آمدورفت عارضی طور پر معطل کر دی گئی ہے۔
دہلی میں سیلاب کا منظر / تصویر قومی آواز / وپن
دہلی میں گزشتہ 3 دنوں سے مسلسل ہو رہی بارش کے سبب حالات ابتر ہو گئے ہیں۔ یمنا میں پانی کی سطح خطرے کے نشان سے تجاوز کر گئی ہے۔ دریں اثنا، پرانے یمنا پل پر ٹرین کی آمدورفت آج صبح 6 بجے سے عارضی طور پر معطل کر دی گئی ہے۔
محکمہ نے یمنا کے ذیلی علاقوں میں رہنے والے لوگوں کو خبردار کر رہا ہے اور انہیں محفوظ مقام پر منتقل ہونے کی اپیل کر رہا ہے۔ یمنا کھادر کے علاقوں سے لوگوں کو محفوظ مقامات پر بھیجنے کی مشق بھی شروع کر دی گئی ہے۔
دیر شام تک لوگوں کی بڑی تعداد سیلابی میدانوں میں اپنے کچے مکانات چھوڑ کر جہاں ممکن ہو پناہ لے رہی تھی۔ مشرقی دہلی میں، نوئیڈا لنک پر میور وہار ایکسٹینشن کے قریب ایک فلائی اوور کے نیچے تقریباً 1000 لوگ، سبزی اگانے والے یا یومیہ اجرت والے مزدور اپنے کپڑے، سبزیاں اور برتن لے کر جمع ہوئے۔
جو لوگ اپنے گھروں میں رہ رہے ہیں وہ بھی پانی کے ریلوں سے پریشان ہیں۔ گھروں میں خواتین کو پانی میں ہی روزمرہ کے کام کرتے ہوئے دیکھا جا سکتا ہے۔ کئی جھگی جھونپڑیوں کے پاس گھٹنوں تک پانی نظر آ رہا ہے۔
سنٹرل واٹر کمیشن کے مطابق منگل کو یمنا ندی کے پانی کی سطح 206.24 میٹر کے خطرے کے نشان سے اوپر پہنچ گئی، جس کی وجہ سے دہلی ہائی الرٹ پر ہے۔ سنٹرل واٹر کمیشن (سی ڈبلیو سی) کے مطابق، خطرے کا نشان 205.33 میٹر ہے۔
منگل کی صبح تقریباً 8 بجے ہریانہ کے یمنا نگر ضلع کے ہتھنی کنڈ بیراج سے تقریباً 3.21 لاکھ کیوسک پانی چھوڑا گیا۔ دہلی کے وزیر اعلی اروند کیجریوال نے پیر کو کہا کہ ان کی حکومت سی ڈبلیو سی کے ساتھ مسلسل رابطے میں ہے۔
1978 میں دہلی میں سیلاب آیا تھا، جب ہتھنی کنڈ بیراج سے 7 لاکھ کیوسک پانی چھوڑا گیا تھا، جس کی وجہ سے پرانے پل پر جمنا ندی کی سطح 207.49 میٹر کو عبور کر گئی تھی
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
Also Read
راہل گاندھی بہت اچھے وزیر اعظم بن سکتے ہیں، کیونکہ وہ ملک کی گہرائیوں کو سمجھتے ہیں: پرینکا گاندھی
تصویر: بشکریہ محمد تسلیم
جامع مسجد چوک پر منعقدہ ’انڈیا اتحاد‘ کے جلسہ میں نظر آیا عوامی سیلاب، عمران پرتاپ گڑھی کی بھی شرکت
تصویل: کانگریس میڈیا ڈپارٹمنٹ
’ہمیں ڈرپوک لوگ نہیں، ببر شیر کانگریسی چاہیے‘، راہل گاندھی نے دہلی کے رام لیلا میدان میں جلسۂ عام سے کیا خطاب
تصویر: پریس ریلیز
دہلی سے 28ویں حج پرواز مدینہ کے لیے روانہ، حج کمیٹی کی چیئرپرسن کوثر جہاں نے کیا الوداع
تصویر: بشکریہ محمد تسلیم