سری نگر: گرمائی دارلحکومت سری نگر کے نور باغ علاقے میں دوران شب آگ کی ایک بھیانک واردات میں کم سے کم دو درجن رہائشی مکان خاکستر ہوگئے۔ سرکاری ذرائع نے بتایا کہ نور باغ کی گتہ کالونی میں بدھ اور جمعرات کی درمیانی شب ایک رہائشی مکان سے آگ نمودار ہوئی جس کے شعلوں نے چشم زدن میں متصل مکانوں کو بھی اپنی لپیٹ میں لے لیا۔ انہوں نے کہا کہ آگ کی اس واردات میں 22 رہائشی مکان اور ایک ٹین شیڈ رکھ کے ڈھیر میں تبدیل ہوگئے۔
Published: undefined
ان کا کہنا تھا کہ خاکستر ہونے والے ڈھانچوں میں گیارہ یک منزلہ، دس دو منزلہ اور ایک تین منزلہ مکان شامل ہے۔ مذکورہ ذرائع نے کہا کہ آگ پر قابو پانے کے دوران ایک فائر فائٹر سمیت چار افراد زخمی ہوگئے۔ زخمیوں کی شناخت منظور احمد شیخ، طاہر احمد شیخ اور تنویر احمد شیخ کے بطور ہوئی ہے۔ انہوں نے کہا کہ ابتدائی تحقیقات کے مطابق یہ آگ شارٹ سرکٹ کی وجہ سے لگی ہے۔
Published: undefined
دریں اثنا محکمہ فائر اینڈ ایمر جنسی سروسز کے ایک عہدیدار نے یو این آئی کو بتایا کہ جب ہمارا عملہ جائے واردات پر پہنچا تو وہاں موجود لوگوں نے ہمارے کام میں رخنہ ڈالا اور ہم سے پائپیں وغیرہ چھین لی۔ انہوں نے کہا کہ اس دوران ہمارے بعض اہلکار زخمی بھی ہوگئے۔ ان کا کہنا تھا کہ اگر لوگ ہمارے کام میں مداخلت نہ کرتے تو آگ شاید اس قدر بھیانک رخ اختیار نہ کرتی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: پریس ریلیز
تصویر: محمد تسلیم