نریندر گری موت معاملہ: آنند گری کو سپریم کورٹ سے بھی نہیں ملی راحت، ضمانت عرضی خارج

اکھل بھارتیہ اکھاڑا پریشد کے سربراہ نریندر گری کو مبینہ طور پر خودکشی کے لیے اکسانے کے الزام میں گرفتار آنند گری کو سپریم کورٹ سے مایوسی ہاتھ لگی ہے۔ سپریم کورٹ نے آنند گری کی ضمانت عرضی کو خارج کر دیا ہے۔ عدالت نے الٰہ آباد ہائی کورٹ کے فیصلے کو برقرار رکھتے ہوئے کہا کہ ہائی کورٹ کے فیصلے میں مداخلت کی وجہ نظر نہیں آتی۔

سپریم کورٹ کی بنچ نے کہا کہ عرضی دہندہ کے سینئر وکیل کے ساتھ ساتھ مدعا علیہ کے لیے ایڈیشنل سالیسٹر جنرل کی ساری دلیلیں بھی سنی گئیں۔ انھوں نے کہا کہ ہم عرضی کے کاغذات کے ساتھ ساتھ رد کیے گئے حکم کا بھی دوبارہ سے جائزہ لیا ہے۔ بنچ نے کہا کہ انھیں کچھ وقت تک سننے کے بعد ہمیں اس سطح پر ہائی کورٹ کے حکم میں مداخلت کرنے کی کوئی وجہ نظر نہیں آتی ہے۔

حالانکہ سپریم کورٹ نے یہ واضح کر دیا کہ اگر حالات میں بدلاؤ ہوتا ہے یا اگر معاملے میں ٹرائل کورٹ کے سامنے مناسب وقت کے اندر کوئی کارروائی نہیں ہوتی ہے تو عرضی دہندہ دوبارہ سے ذیلی عدالت میں ضمانت کے لیے عرضی داخل کر سکتے ہیں۔ اگر اس طرح کی درخواست اس سطح پر داخل کی جاتی ہے تو موجودہ کارروائی کو قانون کے مطابق درخواست پر غور کر سکتے ہیں۔

واضح رہے کہ آنند گری نے 9 ستمبر 2022 کو الٰہ آباد ہائی کورٹ کے اس حکم کے خلاف سپریم کورٹ کا رخ کیا تھا جس میں انھوں نے ضمانت دینے سے انکار کر دیا تھا۔ عرضی دہندہ نے اپنی ضمانت عرضی میں کہا تھا کہ اسے معاملے میں غلط طریقے سے پھنسایا گیا ہے۔ اس نے دعویٰ کیا تھا کہ مبینہ خودکشی نوٹ میں آنند گری کے نام کا تذکرہ کیا گیا تھا، وہ نریندر گری کا نہیں تھا اور اس میں کئی کٹنگ اور اوور رائٹنگ دکھائی دے رہی تھی۔