شہریت قانون کی مخالفت کرنے والوں کو سماجوادی پارٹی دے گی پنشن: رام گووند

دیوریا: اترپردیش اسمبلی میں اپوزیشن لیڈر رام گووند چودھری نے آج کہا کہ ریاست میں سماجوادی پارٹی (ایس پی) کے برسراقتدار آنےکے بعد شہریت ترمیمی قانون (سی اے اے 2019) کی مخالفت کرنے والوں کو ’آئین کے محافظ‘ کے طور پر پینشن دی جائے گی۔

انہوں نے نے یو این آئی سے گفتگو کرتے ہوئے مرکزی اور ریاستی حکومتوں کو ہدف تنقید بنایا اور کہا کہ حکومت بنی تو بنگلہ دیشیوں کو باہر نکالا جائے گا۔ انہوں نے کہا کہ اترپردیش میں ایس پی نے سی اے اے کے خلا ف احتجاجی مظاہرہ کیا ہے کانگریس نے نہیں! انہوں نے الزام عائد کیا کہ میڈیا اہم حذب مخالف(ایس پی) کو نقصان پنچانے کے لیے پرینکا اور کانگریس کو بڑھاوا دے رہی ہے۔

رام گووند چودھری سی اےا ے کی مخالفت کرنے والوں کو آئین کا محافظ قرار دیا۔ رام گووند چودھری نے کہا کہ ایس پی ایسے افراد کو اعزاز بھی دے گی اور پینشن بھی دے گی۔انہوں نے الزام عائد کیا کہ مظاہرے کے دوران تشدد پھیلانے کا کام پولیس، راشٹریہ سویم سیوک سنگھ اور بھارتیہ جنتا پارٹی نے کیا ہے۔ انہوں نے کہا کہ اسی لیے پارٹی مطالبہ کرتی ہے کہ تشدد کے واقعہ کی تفتیش ہائی کورٹ کے موجود ہ جسٹس سے کروائی جائے۔

رام گووند چودھری نے کہا کہ اترپردیش میں رہنے والے بنگلہ دیشیوں کو نہیں نکالاجانا چاہیے۔ یہ پناہ میں آگئےہیں۔ ان کی حفاظت کی جانی چاہیے۔ ہم محافظ ہیں لہٰذا ایس پی کا احتجاج جاری ہے۔ سی اے اے کی مخالفت میں پوری ریاست میں ایس پی نے ہی مظاہرہ کیا ہے۔