پنجاب اسمبلی انتخاب: عام آدمی پارٹی نے 31 امیدواروں پر مشتمل دوسری فہرست جاری کر دی

پنجاب میں 2027 کے آئندہ اسمبلی انتخاب کے پیش نظر عام آدمی پارٹی (عآپ) نے جمعرات (12 نومبر) کو 31 امیدواروں کی دوسری فہرست جاری کر دی۔ پارٹی نے تمام امیدواروں کو مبارکباد دیتے ہوئے سوشل میڈیا پلیٹ فارم ’ایکس‘ پر فہرست کی کاپی شیئر کی۔ پارٹی نے لکھا کہ عام آدمی پارٹی نے 2027 کے پنجاب اسمبلی انتخاب کے لیے امیدواروں کی دوسری فہرست کا اعلان کر دیا ہے۔ تمام امیدواروں کو بہت بہت مبارکباد۔ اس سے قبل 31 اکتوبر کو پارٹی نے 40 امیدواروں کی پہلی فہرست جاری کی تھی۔ پہلی اور دوسری فہرست کو ملا کر اب تک مجموعی طور پر 71 امیدواروں کے ناموں کا اعلان کیا جا چکا ہے۔

وزیر اعلیٰ بھگونت مان نے کہا کہ پی اے سی کی میٹنگ میں 2027 کے پنجاب اسمبلی انتخاب کے لیے ٹکٹوں کے سلسلے میں تفصیل سے بحث ہوئی اور غور و خوض کیا گیا۔ اس سے قبل امیدواروں کے انتخاب کے لیے بنائی گئی کمیٹی نے مختلف ذرائع سے موصول ہونے والی سروے رپورٹس اور عوام کی رائے کا جائزہ لیا، تاکہ یہ سمجھا جا سکے کہ عوام کن امیدواروں کو پسند کرتے ہیں اور عام آدمی پارٹی کے کام کرنے کے طریقے کے بارے میں لوگوں کی کیا رائے ہے۔ اس کے بعد پی اے سی نے ہر نام کو الگ الگ منظوری دی۔ ابھی پوری پی اے سی میٹنگ میں موجود ہے۔ 31 اسمبلی حلقوں کے لیے امیدواروں کے ناموں کو حتمی شکل دی گئی ہے اور 31 امیدواروں کا انتخاب کیا گیا ہے۔ اس سے قبل ہم 40 امیدواروں کے نام پہلے ہی طے کر چکے تھے۔ اس طرح اب امیدواروں کی مجموعی تعداد 71 ہو گئی ہے۔

بھگونت مان نے مزید کہا کہ اس فہرست میں نئے چہروں کو بھی موقع دیا گیا ہے۔ یہ پارٹی محنت کرنے والوں کو تلاش کر لیتی ہے۔ ہمارے یہاں کوئی کوٹہ سسٹم نہیں ہے۔ یہاں کسی کی سفارش نہیں چلتی۔ یہاں صرف کام کی بنیاد پر فیصلے ہوتے ہیں۔ ہم ایسے لوگوں کو ٹکٹ دے رہے ہیں جو عوام کے لیے کام کرتے ہیں۔ پارٹی کی دوسری فہرست کے مطابق سجان پور سے سورن ایس سالاریا، پٹھان کوٹ سے روہت سیال، گرداس پور سے رمن بہل، دینا نگر سے شمشیر سنگھ، قادیان سے گرو اقبال سنگھ محل، فتح گڑھ چوڑیاں سے ہر جوبن جیت سنگھ رندھاوا کو امیدوار بنایا گیا ہے۔ اس کے علاوہ راجا سانسی سے سونیا مان، مجیٹھا سے تلبیر سنگھ گل، امرتسر شمالی سے کرم جیت سنگھ رنٹو، پٹی سے جسکنور سنگھ گل، بھلتھ سے ایڈوکیٹ ہرسمرن سنگھ، کپور تھلہ سے دوندر پال سنگھ رنگا اور پھگواڑہ سے ڈاکٹر راج کمار چبے وال کو انتخابی میدان میں اتارا گیا ہے۔

فلور سے ہر جوت کور لوہٹیا، شاہ کوٹ سے بلبیر سنگھ پالا جلال پور، جالندھر سنٹرل سے نتن کوہلی، جالندھر شمالی سے ونیت دھیر، جالندھر کینٹ سے دیپک بالی، آدم پور سے پون کمار ٹینو، مکیرِیاں سے سربجوت سنگھ سابی، نواں شہر سے رابی کنگ، چمکور صاحب سے جسویر سنگھ گڑھی، کھرڑ سے پرمندر سنگھ گولڈی، داکھا سے ڈاکٹر کے این ایس کنگ، جگراؤں سے سروجیت کور مانکے، ابوہر سے ڈاکٹر سہانی ڈوڈا، بلوآنا سے امن دیپ سنگھ گولڈی مسافر، لمبی سے رندھیر سنگھ دھیرا کھڈیاں، بھٹنڈہ دیہی سے گوپال سنگھ، برنالہ سے گرمیت سنگھ میت ہیئر اور شترانہ سے ونندر کور لومبا اپنے حریفوں کا مقابلہ کریں گے۔