پٹرول جمعہ کو دہلی میں 35 پیسے، کولکاتا اور ممبئی میں 37 پیسے فی لیٹر جب کہ چنئی میں 37 پیسے فی لیٹر مہنگا ہو گیا، جو کہ جولائی کے بعد سب سے تیز اضافہ ہے۔ ڈیزل کی قیمت میں بھی پھر دہلی اور کولکاتا میں 28 پیسے جب کہ ممبئی و چنئی میں 30 پیسے فی لیٹر کا اضافہ ہوا ہے۔ بین الاقوامی بازار میں خام تیل کی قیمت میں آئی تیزی کے سبب پٹرول و ڈیزل کی قیمت میں روزانہ اضافہ کا سلسلہ جاری ہے۔
Published: 20 Sep 2019, 11:10 AM IST
گزشتہ ہفتہ سعودی عرب کے تیل اداروں پر ڈرون سے حملہ کے بعد بین الاقوامی بازار میں خام تیل کی قیمت میں اس ہفتہ کے پہلے کاروباری سیشن کے دوران پیر کو اچانک تقریباً 20 فیصد اضافہ ہوا جو کہ 28 سال بعد ایک دن میں آئی سب سے بڑی تیزی تھی۔ مبینہ طور پر حملے کی ذمہ داری یمن کے حوثی باغیوں نے لی۔ اس کے بعد حالانکہ تیل کی قیمت میں پھر نرمی آئی لیکن جمعہ کو پھر تیزی کا رخ بنا رہا۔
Published: 20 Sep 2019, 11:10 AM IST
انڈین آئل کی ویب سائٹ کے مطابق دہلی، کولکاتا، ممبئی اور چنئی میں پٹرول کی قیمت بڑھ کر بالترتیب 73.06 روپے، 75.77 روپے، 78.73 روپے اور 75.93 روپے فی لیٹر ہو گئی ہے۔ چاروں میٹرو پولیٹن سٹی میں ڈیزل کی قیمت بھی بڑھ کر بالترتیب 66.29 روپے، 68.70 روپے، 69.54 روپے اور 70.07 روپے فی لیٹر ہو گئی ہے۔
Published: 20 Sep 2019, 11:10 AM IST
قومی راجدھانی دہلی میں ان چار دنوں میں پٹرول کی قیمت میں 1.03 روپے جب کہ ڈیزل کی قیمت میں 86 پیسے فی لیٹر کا اضافہ ہوا ہے۔ اس سے پہلے 5 جولائی کو پیش عام بجٹ میں پٹرول اور ڈیزل پر خصوصی پروڈکشن ٹیکس اور سڑک ٹیکس میں ایک ایک روپے کے اضافہ کا اعلان کیے جانے کے بعد اس کے اگلے ہی دن دہلی میں پٹرول کی قیمت 2.45 روپے فی لیٹر بڑھ گیا تھا۔
Published: 20 Sep 2019, 11:10 AM IST
اینجل بروکنگ میں انرجی و کرنسی ریسرچ معاملوں کے ماہر و ڈپٹی وائس پریسڈنٹ انوج گپتا نے بتایا کہ سعودی عرب کی سرکاری تیل پروڈکشن کمپنی آرامکو کی مشنریوں پر گزشتہ ہفتہ ہوئے حملے کے بعد خلیجی علاقوں میں کشیدگی کی حالت بنی ہوئی ہے، جس سے تیل کی قیمتوں کو سپورٹ مل رہا ہے۔
Published: 20 Sep 2019, 11:10 AM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 20 Sep 2019, 11:10 AM IST
تصویر: محمد تسلیم