کشی نگر میں مسجد میں دھماکہ سے سنسنی، ایس ٹی ایف کی پوچھ گچھ

کشی نگر: اترپردیش کے ضلع کشی نگر کے ضلع کے ترک پٹی علاقے میں مسجد دھماکہ معاملے کی جانچ کے لئے منگل کو ایس ٹی ایف اور مقامی ایل آئی یو کے افسران نے موقع کا معائنہ کیا۔

قابل ذکر ہے کہ اوروا صوفیہ گنج گاؤں کے بیراگی پٹی ٹولہ کے مغرب میں واقع مسجد میں پیر کی دوپہر اس وقت زبردست دھماکہ ہوگیا تھا جب وہاں نماز کی تیاری چل رہی تھی۔ دھماکے سے مسجد کی کھڑکیوں اور دروازے کے شیشے ٹوٹ گئے تھے۔ چھت میں کئی جگہ دراڑیں پڑگئی تھیں۔ مسجد کے اندر اور باہر دھواں ہی دھواں تھا۔

مسجد کے امام کے مطابق دھماکہ انورٹر کی بیٹری کی وجہ سے ہوا جبکہ مقامی افراد میں اس سلسلے میں طرح طرح کی چہ میگوئیاں ہیں۔ اس ضمن میں سی او اے ٹی ایس گورکھپور ، ایل آئی یو ٹیم کشی نگر ، سی او پٹرونہ وغیرہ نے منگل کو موقع پر پہنچ کر معائنہ کیا۔ اس ضمن میں پیر کی رات پوچھ گچھ کے لئے تین افراد کو حراست میں لیا گیا تھا۔