قومی خبریں

کنّور حادثہ: دردناک تصویر آئی سامنے، 15 لاشیں برآمد، کئی افراد اب بھی لاپتہ

آئی ٹی بی پی نے کہا ہے کہ 17، 18 اور 43 بٹالین کے آئی ٹی بی پی جوانوں کو سڑک سے تقریباً 500 میٹر نیچے اور ستلج ندی سے 200 میٹر اوپر بس کا ملبہ ملا جہاں سے ایک لاش بھی نکالی گئی۔

تصویر آئی اے این ایس
تصویر آئی اے این ایس 

ہماچل پردیش کے کنّور ضلع میں بڑے پیمانے پر زمین کھسکنے کے واقعہ کے بعد اب تک 15 لوگوں کی لاشیں برآمد کی جا چکی ہیں، جب کہ 20 دیگر اب بھی لاپتہ بتائے جا رہے ہیں۔ ملبے میں دبے 200 میٹر کے دائرے میں پھنسے 20 سے زائد لوگوں کو نکالنے کے لیے کئی ایجنسیوں کی مدد سے بچاؤ مہم جاری ہے۔

Published: undefined

قابل ذکر ہے کہ منگل کے روز لینڈ سلائڈنگ کے واقعہ میں ایک ٹرک، ایک ریاستی روڈ ویز بس اور دیگر کچھ گاڑیاں دب گئیں، جو ریاست کی راجدھانی سے تقریباً 180 کلو میٹر دور نگلساری کے پاس شملہ-ریکانگ پیو شاہراہ کے ایک حصے پر تھے۔ ہند-تبت سرحدی پولیس (آئی ٹی بی پی) نے ایک ٹوئٹ میں کہا کہ ’’17، 18 اور 43 بٹالین کے آئی ٹی بی پی کے جوانوں کو سڑک سے تقریباً 500 میٹر نیچے اور ستلج ندی سے 200 میٹر اوپر پہلی لائٹ (05.25 بجے) پر بس کا ملبہ ملا جہاں سے ایک لاش بھی نکالی گئی۔ اب تک مجموعی طور پر 11 لاشیں نکالی گئی ہیں۔‘‘

Published: undefined

ریاستی ڈیزاسٹر مینجمنٹ ڈائریکٹر سدیش کمار موکھتا نے بتایا کہ 15 لوگوں کو بچا لیا گیا ہے اور 13 لاشوں کو برآمد کیا گیا ہے۔ انھوں نے کہا کہ شاہراہ اب بھی ٹرانسپورٹیشن کے لیے بند ہے۔ مقامی رکن اسمبلی جگت سنگھ نیگی نے جائے وقوع کا دورہ کیا اور آئی ٹی بی پی، مقامی افسران، فوج اور این ڈی آر ایف کی بچاؤ مہم کا جائزہ لیا۔

Published: undefined

بتایا جاتا ہے کہ سڑک ٹرانسپورٹ کارپوریشن کی بس ریکانگپیو سے شملہ ہوتے ہوئے ہریدوار جا رہی تھی۔ اس کے ڈرائیور اور اسسٹنٹ بال بال بچ گئے۔ لاپتہ بس مسافروں کے اہل خانہ نے ان کے ٹھکانے کے بارے میں جاننے کے لیے مقامی افسران سے رابطہ کیا۔ زیادہ تر متاثرین کنّور ضلع کے ہیں۔

Published: undefined

اس دردناک حادثہ سے خود کو بچانے میں کامیاب رہے ایک شخص نے کہا کہ ’’حادثہ سے ٹھیک پہلے کچھ پتھر لڑھکنے لگے۔ مشکل وقت کو دیکھتے ہوئے میں دوسری طرف بھاگا اور خود کو بچانے میں کامیاب رہا۔‘‘ عینی شاہدین نے کہا کہ بری طرح تباہ بس سے متاثرین کو نکالنے میں انتظامیہ کو کافی مشقت کا سامنا کرنا پڑا۔ بچاؤ مہم میں شامل اہلکاروں کو پہاڑ پر چڑھنے اور لاشوں کو لانے میں گھنٹوں لگ گئے۔ پولیس افسران نے بتایا کہ منگل کو بارش اور بار بار لینڈ سلائڈنگ سے بھی بچاؤ مہم میں رخنہ پیدا ہوا۔

Published: undefined

Follow us: Facebook, Twitter, Google News

قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔

Published: undefined