نئی دہلی: کانگریس نے کہا ہے کہ لوگوں کی آمدنی اور خریدنے کی اہلیت کم ہونے کے ساتھ ہی صنعتی پیداوار، براہ راست ٹیکس، درآمدات۔برآمدات وغیرہ میں کمی کی وجہ سے معیشت بری صورت حال سے دوچار ہے اور بہتر ی کے لئے لیپا پوتی کرنے کے بجائے اب طویل مدتی سخت اقدام کرنے کی ضرورت ہے۔
Published: undefined
کانگریس ترجمان سپریہ شری نیت نے پیر کو یہاں پارٹی ہیڈکوارٹر میں نامہ نگاروں کی کانفرنس میں کہا ہے کہ معیشت کی حالت نازک ہے اس لئے مہنگانی میں تیزی سے اضافہ ہورہا ہے اور مہنگائی کا براہ راست تعلق لوگوں کی آمدنی سے ہوتا ہے۔ اس سے واضح ہوتا ہے کہ معیشت کی حالت بہت خراب ہے اور اسے پٹری پر لانے کےلئے اب معیشت کی کمزور کڑی پر لیپا پوتی کرنے سے کام نہیں چلے گا بلکہ طویل مدتی بہتری کے اقدامات کرنے کی ضرورت ہوگی ۔
Published: undefined
انہوں نےکہاہے کہ صرف مہنگائی میں اضافہ نہیں ہورہا ہے بلکہ ملک کی برآمد اور درآمد میں کمی آرہی ہے۔ کھپت میں ٹھہراؤ آگیا ہے۔ مستحکم معیشت کے لئے برآمدات میں اضافہ ہی نہیں ہونا چاہیے بلکہ درٓامد میں بھی اضافہ ہونا ضروری ہے۔درآمد اور برآمد میں اگر کمی آرہی ہے تو صاف ہے کہ معیشت کمزور ہورہی ہے۔ اس کا مطلب ہے کہ ملک میں پیداوار میں کمی آرہی ہے اور لوگوں کی خریداری کی اہلیت میں کمی آرہی ہے۔
Published: undefined
ترجمان نے کہا کہ حکومت کو ملک کی معاشی صورت حال ٹھیک کرنے کے لئے سبھی معاشی پہلوؤں پر توجہ دینے کے ساتھ ہی کسان کی آمدنی پر خصوصی توجہ دینے کی ضرورت ہے۔ ان کا کہنا تھا کہ کسان کی آمدنی بڑھائے بغیر کوئی بھی معیشت آگے نہیں بڑھ سکتی ہے۔
Published: undefined
ملک میں کسان کی آمدنی آدھی ہوچکی ہے اس لئےبجٹ میں زر اعت اور کسان کی ترقی کےلئے نظم کرنا ضروری ہوگیا ہے۔ کانگریس لیڈر نے حکومت کے محصول میں کمی آنے پر افسوس کا اظہار کیا اور کہا ہے کہ یہ فکرمندی کی بات ہے کہ ملک میں براہ راست ٹیکس میں کمی آئی ہے۔ دو عشروں میں پہلی مرتبہ براہ راست ٹیکس میں گراوٹ آئی ہے۔
Published: undefined
لوگ بے روزگار ہیں اور ان کی آمدنی نہیں ہورہی ہے اس لئے حکومت کے ٹیکس میں کمی آرہی ہے۔ آمدنی نہیں ہوگی تو ملک کے خزانہ میں کمی آنا طے ہے اس لئے حکومت کو لوگوں کی آمدنی میں اضافہ کرنے کے طریقے اپنانا چاہیے۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم