قومی خبریں
آندھرا پردیش اور میگھالیہ میں فائنل ووٹر لسٹ جاری کرنے کی نئی تاریخ مقرر، الیکشن کمیشن کی میٹنگ میں فیصلہ
الیکشن کمیشن اب نئی تاریخوں کے مطابق آندھرا پردیش میں 16 اکتوبر کو حتمی ووٹر لسٹ جاری کرے گا، جبکہ 26 اکتوبر کو میگھالیہ میں حتمی فہرست جاری کی جائے گی۔
چیف الیکشن کمشنر گیانیش کمار اور الیکشن کمشنرز ڈاکٹر وویک جوشی و ڈاکٹر ایس ایس سندھو میٹنگ کرتے ہوئے، تصویر ’ایکس‘ @ECISVEEP
الیکشن کمیشن کے طریقۂ کار کو لے کر ملک کی سیاست گزشتہ کچھ عرصہ سے گرمائی ہوئی ہے اور چیف الیکشن کمشنر (سی ای سی) گیانیش کمار کے استعفیٰ کے مطالبہ کو لے کر اپوزیشن مسلسل احتجاج کر رہی ہے۔ تنازعات کے درمیان الیکشن کمیشن نے کچھ معاملوں میں اپنی صفائی پیش کی ہے اور مستقل میٹنگوں کا سلسلہ بھی جاری ہے۔ الیکشن کمیشن نے بدھ کے روز بھی ایک میٹنگ کی جس میں آندھرا پردیش اور میگھالیہ میں ووٹر لسٹ کی خصوصی گہری نظرثانی (ایس آئی آر) کے عمل کی تاریخ بڑھا دی ہے۔
الیکشن کمیشن اب نئی تاریخوں کے مطابق آندھرا پردیش میں 16 اکتوبر کو حتمی ووٹر لسٹ جاری کرے گا، جبکہ 26 اکتوبر کو میگھالیہ میں حتمی فہرست جاری کی جائے گی۔ اس سے پہلے آندھرا پردیش کے لیے حتمی ووٹر لسٹ جاری کرنے کی تاریخ 9 اکتوبر اور میگھالیہ کے لیے 21 اکتوبر مقرر کی گئی تھی۔
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔