ممبئی: ممبئی کی خصوصی مکوکا (این آئی اے) عدالت نے دہشت گردانہ معاملے کا سامنا کر رہے ایک مسلم نوجوان ندیم اختر کو قانون کی تعلیم جاری رکھنے اور اسے امتحان میں شرکت کرنے کی مشروط اجازت دی ہے۔ ممبئی میں 13-7، سلسلہ وار بم دھماکہ معاملے کا سامنا کر رہے ملزم ندیم اختر کو ایل ایل بی پہلے سال کے دوسرے مرحلہ کے امتحان اور پریکٹیکل میں حصہ لینے کی اجازت دے دی ہے۔
Published: 26 May 2019, 5:10 PM IST
ملزم ندیم اختر نے پہلے مرحلہ میں نمایاں نمبرات سے کامیابی حاصل کی تھی۔ ملزم کو قانونی امداد فراہم کرنے کے ساتھ ساتھ تعلیمی وظیفہ دینے والی تنظیم جمعیۃ علماء مہاراشٹر (ارشد مدنی) کے وکیل شاہد ندیم اور عادل شیخ نے گذشتہ روز خصوصی عدالت میں ایک عرضداشت داخل کرکے عدالت سے ملزم کے امتحان میں حصہ لینے کے تعلق سے اجازت طلب کی تھی، جسے خصوصی جج ونود پڈالکر نے منظور کرتے ہوئے تلوجہ جیل حکام کو حکم دیا کہ امتحان ٹائم ٹیبل کے مطابق ملزم کو جیل سے امتحان گاہ پر لے جایا جائے اور پرچہ ختم ہونے کے بعد اسے فوراً تلوجہ جیل میں روانہ کر دیا جائے۔
Published: 26 May 2019, 5:10 PM IST
خصوصی جج نے اپنے حکم نامہ میں کہا کہ ملزم کو اسکارٹ چارجیس (پولس کے اخراجات) ادا کرنے ہوں گے نیز امتحان کے دوران اسے کالج انتظامیہ کے علاوہ کسی بھی شخص سے گفتگو کرنے کی اجازت نہیں ہوگی۔ ملزم کو قانونی امداد اور تعلیمی وظیفہ مہیا کرانے والی تنظیم جمعیتہ علماء قانونی امداد کمیٹی کے سربراہ گلزار اعظمی نے کہا کہ وہ عدالت کے ممنون و مشکور ہیں کہ انہوں نے استغاثہ کے اعتراضات کے باوجود ملزم کو قانون کی تعلیم جاری رکھنے کی اجازت دی ہے۔
Published: 26 May 2019, 5:10 PM IST
انہوں نے کہا کہ ملزم کے ایل ایل بی امتحان میں داخلہ لینے کے وقت بھی جمعیتہ علماء کے وکلاء نے عدالت سے خصوصی اجازت حاصل کی تھی اور اس کے بعد ملزم کو تعلیمی وظیفہ بھی دیا گیا تھا اور ملزم کا پہلے سال کے پہلے مرحلہ کا نتیجہ اطمینان بخش ہے۔
Published: 26 May 2019, 5:10 PM IST
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: 26 May 2019, 5:10 PM IST