پی جے پی کا اسٹیٹ ہڈ کی بحالی کا وعدہ جملہ ثابت ہوا :طارق قرہ

جموں وکشمیر پردیش کانگریس کمیٹی کے صدر طارق حمید قرہ نے ہفتے کے روز کہاکہ اسٹیٹ ہڈ کی بحالی کو لے کر کانگریس نے ’ہماری ریاست ہمارا حق ‘ عنوان کے تحت مہم شروع کی ہے۔انہوں نے کہاکہ جموں وکشمیر بی جے پی یونٹ کو یہ واضح کرنا چاہئے کہ وہ ریاستی درجے کی بحالی کے حق میں ہے یا نہیں۔ ان باتوں کا اظہار طاریق قرہ نے کٹھوعہ میں نامہ نگاروں سے بات چیت کے دوران کیا۔

انہوں نے کہاکہ مرکزی سرکار نے وعدہ کیا تھا کہ جموں وکشمیر میں حالات معمول پر آنے اور الیکشن عمل مکمل ہونے کے بعد ریاست کا درجہ بحال کیا جائے گا۔طارق قرہ نے کہاکہ چونکہ نئی حکومت کو معروض وجود میں آئے چار مہینے ہو گئے لیکن ابھی تک مرکزی سرکار نے اپنا وعدہ پورانہیں کیا ۔

پی سی سی چیف نے کہا کہ ’جموں وکشمیر بی جے پی یونٹ کے لیڈران کو سٹیٹ ہڈ کی بحالی کے حوالے سے اپنی پوزیشن واضح کرنی چاہئے۔ ‘ایک سوال کے جواب میں طارق حمید قرہ نے کہاکہ کانگریس نے جموں صوبے کے ہر ضلع میں ریاستی درجے کی بحالی کی مانگ کو لے کر مہم شروع کی ہے اور لوگ بھی اب اس کے ساتھ جڑ تے جارہے ہیں۔

طارق حمید قرہ نے ایک دفعہ پھر مرکزی سرکار کو متنبہ کرتے ہوئے کہاکہ اگر جلدازجلد ریاستی درجے کی بحالی کے حوالے سے فیصلہ نہیں لیا جاتا تو کانگریس پارٹی احتجاج  شروع کرنے سے بھی گریز نہیں کرئے گی۔