ایران نے ایل پی جی سے بھرے 2 جہاز بھیج کر ثابت کر دیا کہ وہ ہندوستان کا قابل اعتماد دوست ہے: ڈاکٹر نریش کمار

نئی دہلی: دہلی کانگریس کے سینئر ترجمان ڈاکٹر نریش کمار نے اپنے ایک بیان میں کہا ہے کہ جس طرح ایران نے نہایت مشکل حالات کے باوجود آبنائے ہرمز کے راستے ہندوستان کو ایل پی جی کے 2 جہاز بھیجے، وہ اس بات کا واضح ثبوت ہے کہ ایران ہمیشہ سے ہندوستان کا ایک قابل اعتماد اور تاریخی دوست رہا ہے۔ انہوں نے کہا کہ عالمی سطح پر کشیدگی کے باوجود ایران کا یہ قدم نہ صرف دوطرفہ تعلقات کی مضبوطی کو ظاہر کرتا ہے بلکہ انسانیت اور دوستی کی ایک بہترین مثال بھی پیش کرتا ہے، اور یہ دوستی آئندہ بھی اسی طرح برقرار رہے گی۔