ناگپور: طیارہ کمپنی انڈیگو کا ایک طیارہ ناگپور سے دہلی آنے والا تھا۔ آج صبح تکنیکی خرابی کی وجہ سے آخری منٹ پر پرواز نہیں بھر سکا اور اسے ’ٹیکسی وے‘ سے واپس لوٹنا پڑا۔ روڈ ٹرانسپورٹ اور شاہراہوں کے مرکزی وزیر نتن گڈکری بھی اس طیارے میں سوار تھے۔
Published: undefined
انڈیگو کے ایک ترجمان کے ذریعہ جاری ایک بیان میں بتایا گیا ہے کہ پش بیک کے بعد پائلٹ نے جب طیارے کا انجن چالو کیا تو اسکرین پر تکنیکی خرابی کا پیغام نظر آیا۔ طیارے کو ’پارکنگ بے‘ میں واپس لاکر مسافروں کو اتارا گیا اور طیارے کی دوبارہ جانچ کی گئی۔ اس میں ایک بار پھر تکنیکی خرابی کا پیغام نظر آیا جس کے بعد طیارے کو سروس سے ہٹا لیا گیا ہے اور اب اس کی مرمت کی جا رہی ہے۔
Published: undefined
نئی دہلی میں نتن گڈکری کے دفتر کے ایک افسر نے اس واقعہ کی تصدیق کرتے ہوئے بتایا کہ وزیر بھی اسی طیارے میں سوار تھے۔ میڈیا میں ایسی خبریں ہیں کہ ایئرلائن نے پرواز بھرنے کے عمل کو ادھورا چھوڑ کر واپسی کردی جبکہ ایئرلائن نے ایسی خبروں کی تردید کی ہے۔ اس نے بتایا کہ طیارہ دہلی سے ناگپور پہنچا تھا اور اس پرواز کے دوران اس میں کوئی خرابی نہیں پائی گئی تھی۔ اسے پرواز نمبر 6 ای -636 بن کر واپس دہلی لوٹنا تھا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا