نئی دہلی: کانگریس لیڈر راہل گاندھی نے جمعہ کے روز ایک ویڈیو جاری کرتے ہوئے بتایا کہ ان کے مرحوم والد اور سابق وزیر اعظم راجیو گاندھی کس طرح لوگوں سے ملاقات کرتے تھے اور ان کو غور سے سنتے تھے لیکن اب سوشل میڈیا کے دور میں لوگوں کی آوازیں دبائی جا رہی ہیں۔ راہل گاندھی نے کہا کہ آج کی سیاست کا المیہ یہ ہے کہ میڈیا، واٹس ایپ، ٹویٹر اور فیس بک کی اس دنیا میں آوازوں کو دبا دیا جاتا ہے۔
Published: undefined
دو دن کے اندر جاری ہونے اس دوسری دوسری ویڈیو میں راہل گاندھی اپنے والد راجیو گاندھی کی مختلف تصویریں ظاہر کر رہے ہیں جن میں وہ لوگوں سے بات کرتے ہوئے نظر آ رہے ہیں۔ تصویر کی طرف اشارہ کرتے ہوئے راہل گاندھی کہتے ہیں ’’اس تصویر کو دیکھیں۔ وہ سماعت کر رہے ہیں۔ وہ اسی طرح مسلسل عوام کو سنا کرتے تھے روابط قائم کرتے تھے۔ وہ ہجوم میں لوگوں کو سنتے تھے اور فوری طور پر ان کی آواز کو عملی جامہ پہنانے کے لئے فیصلہ لیتے تھے۔
کانگریس لیڈر راہل گاندھی نے کہا کہ مرحوم راجیو گاندھی بار بار سفر کر کے عوام کی آواز سنتے تھے اور پھر اس آواز کو پوری قوم کی آواز میں تبدیل کرنے کے لئے مختلف راستے تلاش کرتے تھے۔
Published: undefined
راہل گاندھی نے الزام عائد کیا کہ آج کئی بہترین آوازیں موجود ہیں لیکن وہ بولنے کے لئے جدوجہد کر رہی ہیں، انہیں بولنے کی اجازت نہیں دی جا رہی اور انہیں اجارہ داری کے ذریعے کچلا جا رہا ہے۔ میڈیا کو آج آمرانہ طریقہ سے کچلا جا رہا ہے۔
راہل گاندھی نے کہا، ’’یہ آواز معمولی نہیں بلکہ خدا کی آواز ہے اور سے بڑھ کر کوئی دوسری چیز ہو ہی نہیں سکتی۔ یہ ایک واحد آواز نہیں ہے۔ یہ لاکھوں اور لاکھوں آوازیں ہیں جو ایک ساتھ بولتی ہیں۔ جب وہ بولتے ہیں تو ایک بہت بڑی طاقت پیدا ہوتی ہے۔‘‘
Published: undefined
راہل گاندھی نے کہا کہ ان کے والد راجیو گاندھی اپنے دوروں کے دوران نہ صرف لوگوں سے رابطہ قائم کرتے تھے بلکہ وہ دراصل ان کی ضروریات کو سمجھنے کی کوشش بھی کرتے تھے۔ وہ لوگوں کو غور سے سنتے تھے اور سمجھ جاتے تھے کہ وہ ان سے کیا کہنا چاہتے ہیں۔ ان کا لوگوں تک پہنچنا اور ان کی آواز کو سننا مجھے آج تک یاد ہے۔‘‘
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم