عمران خان ہندوستان کے بجائے اپنے ملک کے اقلیتوں کی فکر کریں: وزارت داخلہ

نئی دہلی: پاکستان کے وزیر اعظم عمران خان کے شہریت (ترمیمی) بل 2019 کے سلسلے میں آئے بیان کو ناپسندیدہ قرار دیتے ہوئے ہندوستان نے کہا کہ انھیں دوسرے ممالک کے داخلی امور کے بجائے اپنے ملک میں اقلیتوں کے تحفظ اور حقوق کی فکر کرنی چاہیے۔

وزارت خارجہ کے ترجمان رویش کمار نے یہاں باضابطہ بریفنگ میں اس تعلق سے پوچھے گئے ایک سوال کے جواب میں کہا،’ میں پاکستانی وزیر اعظم کے ہمارے داخلی امورپر ناپسندیدہ اور بلاوجہ بیان کا جواب نہیں دوں گا۔ اس طرح کے تبصرے پاکستان کو مذہبی اقلیتوں کے استحصال سے خود کو نہیں بچا سکتے جو اس کی آئین میں تفریق اور اہانت جیسے قوانین شامل ہیں‘۔

ترجمان نے کہا کہ پاکستان حکومت کے اداروں میں اقلیتی برادری کی لڑکیوں کو زیادتی، اغوا، تبدیلیٔ مذہب، شادی، مذہبی عبادت گاہوں کی توڑپھوڑ اور انہدام کے امور پر غیر حساس رہتی ہیں۔ انہوں نے کہا کہ دوسروں پر انگلی اٹھانے سے پہلے پاکستان کو اپنے گریبان میں جھانکنا چاہیے، اپنے اقلیتوں اوراسلام کے دیگر طبقوں کے تحفظ اور حقوق کے تحفظ کو یقینی بنانا چاہیے اور بین الاقوامی ضابطوں کی خلاف ورزی کرتے ہوئے دوسروں پر بیان و تبصرہ بازی نہیں کرنی چاہیے۔