ممتا بنرجی کی اہم میٹنگ میں80 میں سے تقریباً تین چوتھائی اراکین اسمبلی نہیں آ پائے، میٹنگ منسوخ کرنا پڑی

اتوار کو مغربی بنگال کی سیاست میں ایک اہم پیش رفت ہوئی ہے۔ ترنمول کانگریس کے نومنتخب اراکین اسمبلی کی ایک اہم میٹنگ منسوخ کر دی گئی۔ پارٹی کی سربراہ ممتا بنرجی اجلاس کی صدارت کرنے والی تھیں، لیکن تین چوتھائی، یا 80 میں سے 60 ایم ایل ایز شرکت کرنے سے قاصر تھے۔ یہ میٹنگ کولکتہ میں ممتا بنرجی کی کالی گھاٹ رہائش گاہ پر ہونے والی تھی۔

ٹی ایم سی کے ترجمان کنال گھوش نے ایم ایل اے کی غیر حاضری کو ایمرجنسی قرار دیا۔ انہوں نے کہا کہ یہ صورتحال ہفتہ کو ٹی ایم سی کے قومی جنرل سکریٹری ابھیشیک بنرجی پر حملے اور اتوار کو پارٹی کے رکن پارلیمنٹ کلیان بنرجی پر مبینہ حملے کے بعد پیدا ہوئی ہے۔ انہوں نے کہا کہ بہت سے ایم ایل ایز پر حالات کو سنبھالنے میں مصروف تھے اور اس لئے انہوں نے شرکت نہیں کی۔

انہوں نے مزید کہا، "یہ میٹنگ پہلے سے طے شدہ تھی۔ تاہم، ہمارے رہنماؤں پر حملوں کے بعد، ہمارے ایم ایل اے احتجاج  کر نے میں مصروف ہیں، جس کے نتیجے میں ہمارے کارکنوں کے خلاف سخت پولیس کارروائی کی گئی ہے۔" غیر حاضر ایم ایل ایز نے قانون ساز پارٹی کو پیشگی اطلاع دی تھی اور میٹنگ ملتوی کرنے کی درخواست کی تھی۔‘‘

کنال گھوش نے کہا کہ اس معقول درخواست کی روشنی میں ترنمول لیجسلیٹیو پارٹی نے میٹنگ کو فی الحال منسوخ کرنے کا فیصلہ کیا ہے۔ تاہم، انہوں نے یہ بھی کہا کہ تقریباً 20 ایم ایل اے مقررہ وقت 3 بجے تک میٹنگ کے مقام پر پہنچ چکے تھے۔ ذرائع کے مطابق کم حاضری کے باوجود وزیر اعلیٰ ممتا بنرجی نے وہاں موجود ایم ایل اے سے بات کی۔

ٹی ایم سی کے ترجمان نے کہا کہ پارٹی قائدین سے کہا گیا ہے کہ وہ یکم جون کو دیہی علاقوں میں بلاک سطح پر اور شہری علاقوں میں میونسپل وارڈوں میں احتجاجی ریلیاں نکالیں۔ یہ ریلیاں ابھیشیک بنرجی، کلیان بنرجی اور دیگر کارکنوں پر حملوں کی مذمت کریں گی۔