ممبئی: نیشنلسٹ کانگریس پارٹی (این سی پی) کے صدر شردپوارنے کہا ہے کہ وہ جمعہ کے روز انفورسمنٹ ڈائریکٹوریٹ (ای ڈی) کے دفتر جائیں گے۔ پوار نے بدھ کے روز یہاں صحافیوں سے کہا کہ ان کے خلاف معاملہ درج کیے جانے کی اطلاع انہیں گذشتہ روز موصول ہوئی۔
Published: undefined
انہوں نے کہا،’ای ڈی افسر مجھے بلائیں نہ بلائیں ، میں جمعہ کو ان سے ملنے ضرور جاؤں گا۔ انھیں یہ نہیں لگنا چاہیے کہ میں نہیں آؤں گا۔ مہاراشٹرکے عوام میں شیواجی مہاراج کی تہذیب ہے اور ہم دہلی کے تخت کے سامنے جھکیں گےنہیں‘۔
Published: undefined
انہوں نے کہا،’مجھے انتخابی تشہیر کے لیے ممبئی کے باہر بھی جانا ہے اس لیے میں 27 ستمبرکو ای ڈی کے دفتر جاؤں گا اور ان سے تفصیلی معلومات حاصل کروں گا۔ انہوں نے کہا کہ گھپلے کے معاملے میں میرا کوئی تعلق نہ ہوتے ہوئے بھی ان کے خلاف معاملہ درج کیا گیا ہے۔‘‘
Published: undefined
غورطلب ہے کہ مہاراشٹر اسٹیٹ کوآپریٹو گھپلے کے معاملے میں بمبئی ہائی کورٹ میں عرضی داخل کی گئی تھی جس پر عدالت نے ای ڈی کو ملزموں کے خلاف معاملہ درج کرنے کا حکم دیا تھا۔ایف آئی آر میں بینک کے سابق چیئرمین، سابق نائب وزیر اعلیٰ اجیت پوار کے علاوہ کوآپریٹو بینک کے 60 سے زیادہ سابق افسران کو نامزد کیا گیا ہے۔
Published: undefined
اسی درمیان وزیر اعلیٰ دیویندر فڑنویس نے کہا کہ یہ معاملہ بمبئی ہائی کورٹ کے حکم پر درج کیا گیا ہے اور اس میں حکومت کا کوئی لینا دینا نہیں اس لیے حکومت کو نشانہ بناناٹھیک نہیں ہے۔ اس معاملے میں قانون کے مطابق کاروائی ہوگی اور اگر کوئی مجرم نہیں ہے تواس کے خلاف کاروائی نہیں ہوگی۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر سوشل میڈیا