گردابی طوفان 'نیوار' کے سبب تمل ناڈو کے چنئی میٹروپولیس اور نواحی علاقوں سمیت متعدد علاقوں میں گزشتہ شام سے موسلا دھار بارش ہورہی ہے۔ چنئی اور گردونواح میں موسلا دھار بارش کے نتیجے میں مختلف مقامات پر سڑکوں اور رہائشی علاقوں میں پانی بھر گیا ہے اور متعدد مقامات پر پانی گھروں میں داخل ہوگیا ہے۔ سڑکیں پانی میں ڈوب جانے کی وجہ سے دو پہیہ گاڑی چلانے والوں کو کافی پریشانیوں کا سامنا کرنا پڑ رہا ہے۔
Published: undefined
آفات کے انتظام کی تربیت یافتہ کمانڈو سمیت ہزاروں پولس اہلکاروں کو ساحلی چنئی، کانشی پور، چینگلپیٹ، تریویلور اور کڈلور اضلاع میں تعینات کیا گیا ہے۔ریاستی حکومت نے طوفان سے متاثرہ 7 اضلاع میں چلنے والی بسوں کا آپریشن ردکردیا ہے۔ ریلوے نے مضافاتی ای ایم یو ٹرین کی خدمات کے ساتھ ہی متعدد ایکسپریس ٹرینوں کو منسوخ کردیا ہے۔دریں اثناء، ریاستی حکومت نے عام تعطیل کا اعلان کردیا ہے۔
Published: undefined
سیلاب کی وارننگ جاری کرتے ہوئے انتظامیہ نے چمبیرمبکم آبی ذخائر کے گیٹ کھولنے اور ادیار ندی کے کنارے نشیبی علاقوں میں رہنے والے لوگوں کو کسی وہاں سے منتقل کردیا گیا ہے۔
Published: undefined
ملناڈو کا چنئی ایئرپورٹ گردابی طوفان نیوار کے پیش نظر آئندہ 12 گھنٹوں کے لیے بدھ کے روز شام سات بجے سے جمعرات کی صبح سات بجے تک بند کیا گیاہے اور اس دوران طیاروں کا آپریشن نہیں ہو سکے گا۔
Published: undefined
اس کے ساتھ ہی 26 پروازوں کو رد کر دیا گیا جو کئی منازل کے لیے روانہ ہونے والی تیھں یا پھر ایئرپورٹ پر لینڈ کرنے والی تھیں۔ایئرپورٹس اتھارٹی آف انڈیا کے افسران کے ساتھ ویڈیو۔کانفرنسنگ کے ذریعے سے فوری طور پر غور و خوض کیا جس کے بعد یہ فیصلہ کیا گیا۔اس دوران تمام گھریلو، بین الاقوامی کارگو خدمات بند رہیں گی۔
Published: undefined
جن پروازوں کو رد کیا گیا ہے، ان میں کُنور، کوجھی کوڈ، وجے واڑہ، تیروچی، تھوتھوکوڈی، بنگلور، منگلور اور ہبلی کی پروازیں شامل ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined