بھوپال: مدھیہ پردیش قانون ساز اسمبلی کے نئے اسپیکر برسراقتدار بھارتیہ جنتا پارٹی (بی جے پی) کے سینئر رکن اسمبلی گریش گوتم ہوں گے۔ قانون ساز اسمبلی کے بجٹ اجلاس سے ایک دن قبل آج یہاں گوتم کی جانب سے سکریٹریٹ میں اسپیکر کے عہدے کے لئے نامزدگی داخل کی گئی تھی۔ اس موقع پر وزیر اعلی شیوراج سنگھ چوہان، اسمبلی امور کے وزیر ڈاکٹر نروتم مشرا، راجندر شکلا اور دیگر رہنما بھی موجود تھے۔
Published: undefined
اہم اپوزیشن پارٹی کانگریس کی طرف سے اسپیکر کے عہدے کے لئے کاغذات نامزدگی داخل نہیں کیے گئے ہیں۔ اب ریاست کے سندھیا خطے کے رہنے والے گوتم کے بلامقابلہ اسپیکر منتخب کیا جانا یقینی ہے۔
Published: undefined
کاغذات نامزدگی داخل کرنے کے بعد چوہان نے میڈیا کو بتایا کہ ضلع ریوا کے دیوتالاب اسمبلی حلقہ کی نمائندگی کرنے والے گوتم اسمبلی چلانے کی ذمہ داری سنبھالیں گے۔ ہم نے مل کر یہ فیصلہ کیا ہے کہ ہمارے سینئر ایم ایل اے گوتم قانون ساز اسمبلی کے اسپیکر ہوں گے۔
Published: undefined
انہوں نے بتایا کہ گوتم اپنی مستعدی، انصاف پسندی اور سب کو ساتھ لے کر چلنے کی صلاحیت کی بنیاد پر اسپیکر کے عہدے کو وقار بخشیں گے۔ گوتم کو پیشگی مبارکباد دیتے ہوئے انہوں نے کہا کہ آج ان کے کاغذات نامزدگی بھی داخل کر دیئے گئے ہیں۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined