نئی دہلی: کانگریس نے ہریانہ میں بھارتیہ جنتا پارٹی (بی جے پی) اور جن نائک جنتا پارٹی (جے جے پی) کی مخلوط حکومت پر طنز کرتے ہوئے ہریانہ میں دونوں جماعتوں کی حکومت سازی کو اقتدار کی ہوس قرار قرار دیتے ہوئے کہا کہ یہ حکومت سازی اصولوں کی چتا پر کی گئی ہے۔
Published: undefined
کانگریس کے چیف ترجمان رندیپ سنگھ سرجے والا نے اتوار کو ٹوئٹ کیا، ’’اقتدار کی ہوس اور اصولوں کی چتا پر تشکیل دی گئی ہریانہ کی نئی بی جے پی - جے جے پی حکومت کو مبارک باد۔‘‘
انھوں نے طنز کرتے ہوئے کہا کہ اب امید ہے کھٹر حکومت میں ان بدعنوانیوں کی جانچ کی جائے گی:
Published: undefined
Published: undefined
سرجے والا نے اس کے ساتھ ایک ہندی اخبار میں شائع ہونے والی خبر کو بھی پوسٹ کیا۔ یہ خبر دشینت چوٹالہ کی انتخابی تشہیر میں کی گئی ان کی تقریر پر مبنی ہے۔ حصار میں انتخابی تشہیر کے دوران چوٹالہ نے کھٹر حکومت پر الزام عائد کیا کہ اس حکومت میں جیوڈیشری کا ایک پرچہ ایک کروڑ اور تحصیلدار کا ڈھائی لاکھ میں فروخت ہوتا ہے۔ علاوہ ازیں انہیوں نے یہ بھی کہا تھا کہ کھٹر حکومت کے دوران فتح آباد نشہ کا گھر بن گیا ہے۔
Published: undefined
واضح رہے کہ ہریانہ کی 90 رکنی اسمبلی کے لیے 24 اکتوبر کو آئے نتائج میں کسی پارٹی کو اکثریت نہیں ملی تھی، پچھلی بار واضح اکثریت کی حکومت بنانے والی بی جے پی کو اس بار سب سے زیادہ 40 سیٹیں ملیں۔ کانگریس کو 31 سیٹوں پر اکتفا کرنا پڑا جبکہ جے جے پی کو 10 سیٹیں ملیں اور آٹھ آزاد امیدوار کامیاب ہوئے۔ بی جے پی اور جے جے پی نے مخلوط حکومت بنانے کا فیصلہ کیا اور کھٹر نے اتوار کے روز دوسری مرتبہ وزیر اعلی کے عہدے کا حلف لیا۔
Published: undefined
Follow us: Facebook, Twitter, Google News
قومی آواز اب ٹیلی گرام پر بھی دستیاب ہے۔ ہمارے چینل (qaumiawaz@) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔
Published: undefined
تصویر: محمد تسلیم