سابق وزیر اعلیٰ اسٹالن نے تمل ناڈو کے وزیر اعلیٰ وجے کو دی مبارکباد

تمل ناڈو کے نو مقررہ وزیراعلیٰ وجے کو ریاست کے سابق وزیر اعلیٰ اسٹالن نے بھی مبارکباد دی ہے۔ سوشل میڈیا پلیٹ فارم ’ایکس‘ پر کی گئی پوسٹ میں اسٹالن نے لکھا کہ ’’تملا ویٹری کزگم (ٹی وی کے) کے لیڈر وجے کو وزیر اعلیٰ کا عہدہ سنبھالنے پر دلی مبارکباد۔ عہدہ سنبھالتے ہی آج آپ کے ذریعہ دستخط شدہ اعلانات کا میں خیرمقدم کرتا ہوں۔‘‘

اسٹالن نے لکھا کہ نومقررہ وزیر اعلیٰ وجے فوری طور پر یہ کہنا شروع نہ کریں کہ ریاستی حکومت کے پاس فنڈز ہے مگر ضرورت ہے تو اسے عوام تک پہنچانے کی غیر متزلزل خواہش اور حکومت کرنے کی صلاحیت کا پاس ہونا۔ گزشتہ 5 سالوں میں کووڈ-19 اور سیلاب جیسے کئی مسائل اور مرکز کی این ڈی اے حکومت کی نظر اندازی کے باوجود، ہم نے عوام کے لیے متعدد فلاحی اسکیمیں شروع کی ہیں۔

انہوں نے کہا کہ عہدہ سنبھالنے کے بعد پہلی تقریر میں انہوں نے اس الزام کا ذکر کیا کہ ’’پچھلی حکومت نے  10 لاکھ کروڑ روپئے کا قرض چھوڑا اور سرکاری خزانے کو خالی کر دیا"... جبکہ تمل ناڈو کے قرض کی سطح مقررہ حد کے اندر ہے۔

اسٹالن نے کہا کہ ’’میں نے فروری کے بجٹ میں ہی تمل ناڈو حکومت کی مالی صورتحال کو واضح کردیا تھا۔ کیا آپ کو اس کی اطلاع نہیں تھی؟ کیا آپ نے عوام سے صرف وعدے کیے تھے؟ جن لوگوں نے آپ کو ووٹ دیا ہے، انہیں دھوکہ نہ دیں اور معاملے کو ٹالنے کی کوشش نہ کریں۔‘‘

اسٹالن نے کہا کہ "وجے، آپ اب حکومت چلانے کی شروعات کر رہے ہیں۔ مجھے یقین ہے کہ ہماری طرح، آپ بھی جلد ہی عوام سے کئے گئے وعدوں کو پورا کرنے کے طور طریقے سیکھ لیں گے۔ جن لوگوں نے آپ کو ووٹ دیا ہے، ان کے ساتھ ساتھ ریاست کی پوری عوام کے ساتھ ہی میں بھی بھی یہی امید کرتا ہوں۔ تمل ناڈو کی ترقی کا سفر جاری رکھنے کے لیے میری نیک خواہشات۔‘‘