دن ہی نہیں رات بھی اُگل رہی آگ، دہلی میں درجہ حرارت 46.3 ڈگری سیلسیس، ابھی جاری رہے گی ناقابل برداشت گرمی

دہلی-این سی آر سال کے اپنے سب سے گرم دنوں سے گزر رہی ہے۔ آسمان سے آگ برس رہی ہے۔ جھلسا دینے والی دھوپ اور لو کے تھپیڑوں نے لوگوں کا جینا دوبھر کر رکھا ہے۔ 11 مئی سے یہاں مسلسل درجۂ حرارت میں اضافہ ہو رہا ہے اور آئندہ بھی اس کے مزید بڑھنے کا امکان ہے۔ ہندوستانی محکمۂ موسمیات (IMD) کے اندازے کے مطابق اگلے چھ دنوں تک دہلی-این سی آر کو گرمی سے راحت ملنے والی نہیں ہے۔ اسی طرح اگلے دو دنوں کے دوران لو سے لے کر شدید لو چلنے کا بہت زیادہ امکان ہے اور اس کے بعد بھی لو کی صورتِ حال برقرار رہنے کا امکان ہے۔